الماتىنىڭ باس سانيتارلىق دارىگەرى جانداربەك بەكشين جاڭا جىل مەرەكەسىنە بايلانىستى ۇيگە اياز اتا مەن اقشاقاردى شاقىرۋعا تىيىم سالاتىن قاۋلىعا قول قويدى.
قالۋىعا سايكەس جاڭا جىل قارساڭىندا كوپشىلىكپەن وتەتىن ءىس-شارالارعا تىيىم سالىندى. ياعني، 25 جەلتوقساننان باستاپ 5 قاڭتارعا دەيىن مەرەكەلىك شارالاردى وتكىزۋگە رۇقسات جوق. سونداي-اق انيماتورلاردى، ياعني اياز اتا، اقشاقار جانە باسقا دا جاڭاجىلدىق كەيىپكەرلەردى سومداپ، ءۇي ارالايتىن اگەنتتىكتەردىڭ جۇمىسىنا شەكتەۋ قويىلدى.
قۇجاتتا بالاباقشالار مەن مەكتەپتەردە قوسىمشا كەزەكشى توپتار اشۋعا دا رۇقسات جوق ەكەنى ايتىلعان. سونداي-اق، ساۋدا، ويىن-ساۋىق ورتالىقتارى مەن قوعامدىق تاماقتانۋ ورتالىقتارى بەلگىلى ءبىر شەكتەۋ شەڭبەرىندە 23:00-گە دەيىن جۇمىس ىستەيتىن بولادى.
- ازىق-تۇلىك ساتاتىن دۇكەندەردى جانە سۋپەرماركەتتەردىڭ ۋاقىتىن ءبىز تاۋلىك بويى شەكتەگەن جوقپىز. وزدەرىنىڭ ماركەتينگتىك جاساعان جۇمىستارىنىڭ ناتيجەسىنە قاراپ، سالىستىرىپ وزدەرىنىڭ رەجيمى بويىنشا جۇمىس جاسايدى. سوندىقتان ءبىز ولاردىڭ جۇمىستارىن ۋاقىت بويىنشا شەكتەگەن جوقپىز، - دەيدى قالانىڭ باس مەملەكەتتىك سانيتارلىق دارىگەرى جانداربەك بەكشين.
جانداربەك بەكشيننىڭ سوزىنشە، سوڭعى ايدا كوروناۆيرۋس جۇقتىرعانداردىڭ سانى ارتا تۇسكەن. ەگەر قاراشا ايىندا 1400 تۇرعىننان COVID-19 انىقتالسا، جەلتوقسان ايىنىڭ باسىندا بۇل كورسەتكىش 1600-دەن اسىپ تۇسكەن. بۇل ىندەتتىڭ ءوسۋ قارقىنىن كورسەتەدى.
قاۋلى جەلتوقساننىڭ 26-نان باستاپ كۇشىنە ەنەدى. ەسكە سالساق، الماتى قالاسىندا ىندەت تارالۋىنىڭ جاسىل دەڭگەيىنەن سارىعا وتكەن تاۋلىك ىشىندە 90 ادامنان كوروناۆيرۋستىق ينفەكتسيا بەلگىلەرى انىقتالعان.
دۋمان امانجولۇلى،
«ادىرنا» ۇلتتىق پورتالى
