قازاقستاننىڭ حالىق ءارتىسى روزا رىمباەۆاعا «شقو قۇرمەتتى ازاماتى» اتاعى بەرىلدى، دەپ حابارلايدى «ادىرنا» ءتىلشىسى شقو اكىمدىگىنىڭ ءباسپاسوز قىزمەتىنە سىلتەمە جاساپ.
بۇگىن وبلىس اكىمى دانيال احمەتوۆ قازاقستاننىڭ حالىق ءارتىسى روزا رىمباەۆاعا «شقو قۇرمەتتى ازاماتى» توسبەلگىسىن تابىس ەتتى.
– بۇگىن قۋانىشتى، ءارى تاريحي كۇن. جاڭا جىل قارساڭىندا جەرلەسىمىز، قازاقستاننىڭ حالىق ءارتىسى روزا قۋانىشقىزى رىمباەۆاعا «شقو قۇرمەتتى ازاماتى» اتاعىن جەكە تاپسىرۋدامىن. مەن ءۇشىن بۇل زور قۇرمەت. ءبىز ءاردايىم جەرلەستەرىمىزدىڭ جەڭىسى ءۇشىن قۋانىپ، قولداپ جۇرەمىز، - دەدى شقو اكىمى دانيال احمەتوۆ.
كەزدەسۋ بارىسىندا ەسترادا ءانشىسى جاقىندا اباي قۇنانبايۇلىنىڭ 175 جىلدىعىنا وراي قورىتىندى كونتسەرت وتكىزدى. ءانشى، سەمەي قالاسىندا مەرەيتوي اياسىندا اتقارىلعان جۇمىستاردىڭ اۋقىمىن جوعارى باعالاپ، ۇلى اقىن – ابايدىڭ قازاق ءۇشىن الار ورنى زور ەكەنىن ەرەكشە اتاپ ءوتتى.
– جىل سايىن ءوزىمنىڭ گاسترولدىك ساپارىمدى شىعىس قازاقستاننان باستاۋعا تىرىسامىن. سەبەبى، تۋعان ولكەمنەن ەرەكشە شابىت، كۇش-قۋات الامىن. حالقىما جۇرەكپەن ءان شىرقاپ، ءبىر تولقىندا ونەر كورسەتەمىن. بۇگىنگى ماراپات ءۇشىن حالقىما زور العىسىمدى بىلدىرەمىن، - دەدى روزا قۋانىشقىزى.
«ادىرنا» ۇلتتىق پورتالى
