Qazaqstannyń halyq ártisi Roza Rymbaevaǵa «ShQO Qurmetti azamaty» ataǵy berildi, dep habarlaıdy «Adyrna» tilshisi ShQO ákimdiginiń baspasóz qyzmetine silteme jasap.
Búgin oblys ákimi Danıal Ahmetov Qazaqstannyń halyq ártisi Roza Rymbaevaǵa «ShQO Qurmetti azamaty» tósbelgisin tabys etti.
– Búgin qýanyshty, ári tarıhı kún. Jańa jyl qarsańynda jerlesimiz, Qazaqstannyń halyq ártisi Roza Qýanyshqyzy Rymbaevaǵa «ShQO Qurmetti azamaty» ataǵyn jeke tapsyrýdamyn. Men úshin bul zor qurmet. Biz árdaıym jerlesterimizdiń jeńisi úshin qýanyp, qoldap júremiz, - dedi ShQO ákimi Danıal Ahmetov.
Kezdesý barysynda estrada ánshisi jaqynda Abaı Qunanbaıulynyń 175 jyldyǵyna oraı qorytyndy konert ótkizdi. Ánshi, Semeı qalasynda mereıtoı aıasynda atqarylǵan jumystardyń aýqymyn joǵary baǵalap, uly aqyn – Abaıdyń qazaq úshin alar orny zor ekenin erekshe atap ótti.
– Jyl saıyn ózimniń gastroldik saparymdy Shyǵys Qazaqstannan bastaýǵa tyrysamyn. Sebebi, týǵan ólkemnen erekshe shabyt, kúsh-qýat alamyn. Halqyma júrekpen án shyrqap, bir tolqynda óner kórsetemin. Búgingi marapat úshin halqyma zor alǵysymdy bildiremin, - dedi Roza Qýanyshqyzy.
«Adyrna» ulttyq portaly
