قۇرمەتتى Askhat Aimagambetov مىرزا! قۇرمەتتى ارىپتەستەر!
وسى ءبىلىم سالاسىنداعى زاڭسىزدىقتار مەن جەمقورلىققا قارسى كۇرەسىپ كەلە جاتقانىما 6 جىلدان استى. سىزدەر جاقسى بىلەسىزدەر، ءتىپتى سوتتاسقان كەزىم دە بولدى. اللا قولداپ ،حالىق قالداپ،زاڭ قولداپ سوتتا دا جەڭىپ شىقتىم. كەيبىر كەزدە باسقا جۇمىسقا دا كەتىپ قالعىم كەلەتىن، بىراق مۇعالىمدىك مەنىڭ جانىممەن قالاعان جۇمىسىم بولعاندىقتان كەتپەدىم.
سىزدەرگە، اششى دا بولسا ءبىر شىندىقتى ايتقىم كەلىپ وتىر.
سوڭعى كەزدە ءبىلىم جانە عىلىم مينيسترلىگىنىڭ قوعاممەن بايلانىسى مۇلدەم السىرەپ كەتتى. ءتىپتى كەيبىر مەنەن دە باسقا ارىپتەستەر ، بەلسەندىلەر بايلانىستىڭ ناشارلاپ كەتكەنىن ايتىپ ءجۇر.
سەبەپ بىرەۋ، ول مينيسترلىكتىڭ ءباسپاسوز حاتشىسى گاۋحار وماربەك. وسىعان ناقتى كوزىم جەتتى. ول كەلگەن كەزدەن باستاپ قوعام بەلسەندىلەرىمەن، ويىن اشىق ايتاتىن مۇعالىمدەرمەن مينيسترلىكتىڭ اراسى وتە الشاقتاپ كەتتى.
ايماعامبەتوۆ كەلگەن كەزدە ەلدەن بۇرىن قولداپ جانە بارلىق مۇعالىمدى ءمينيستردى قولداۋعا شاقىردىم.
سەبەبى:
1. ءمينيستردىڭ قاراپايىمدىلىعى ۇناعان ەدى. ول مەنىمەن قاتار بىرنەشە بەلسەندى مۇعالىمدى تامىز كەڭەسىنە ءوزى ارنايى شاقىرىپ، ۋاقىتىن ءبولىپ، ماسەلەلەردى اشىق تالقىلاعانى ۇنادى. ءار ماسەلەدە قاراپايىم مۇعالىمدەرمەن اقىلداسىپ تۇردى.
2. فەيسبۋكتە جازىلعان كەز كەلگەن مۇعالىمنىڭ ماسەلەسىن مينيستر ءوزى نازاردا ۇستاۋعا تىرىستى.
3. ارنايى ۋاتساپ توپ اشتىق. ۆيتسە-مينيستر شولپان كارينوۆا، سول كەزدەگى كەڭەسشى ەربولات مۇحامەدجان، ۇلتتىق تەست ورتالىعىنىڭ باسشىسى ديدار سماعۇلوۆتى سول توپقا قوسىپ، ماسەلەلەر تۋىنداپ جاتسا بىردەن شەشۋگە تىرىستىق.
4. سول كەزدە "پەداگوگ مارتەبەسى" زاڭى جاسالۋ ۇستىندە ەدى. سول زاڭنىڭ كەي تۇستارىنىڭ كەمشىلىگىن ايتقان بەلسەندى مۇعالىمدەردىڭ ۇسىنىسىن قابىلداپ ، وزگەرتىپ وتىردى.
"مۇعالىمدەردىڭ جۇمىس ۋاقىتى" تۋرالى ەرەجەگە دە ءبىز، مۇعالىمدەر ۇسىنىس ايتتىق. ول ۇسىنىسىمىزدى دا مينيستر ايماعامبەتوۆ قابىلدادى.
ءيا، ۇمىتىپ بارادى ەكەنمىن. "ادەپ كەڭەسى" قۇرامىن وزگەرتۋگە وسىنداعى ءاربىر مۇعالىم پىكىر ايتقان ەدىك. ول پىكىرلەرىمىزدى دە قابىلداعان بولاتىن.
مەن سول كەزدە ايماعامبەتوۆتى قولداعانداردىڭ ءبىرى بولدىم. قوعامعا ەتەنە جاقىن ايماعامبەتوۆ قايدا كەتتى قازىر؟
ايماعامبەتوۆتىڭ قوعاممەن بايلانىسىن گاۋحار وماربەك حانىم قۇرتتى، قازىر كەز كەلگەن قوعام بەلسەندىسىنەن سۇراساڭىز بايلانىس مۇلدەم نولدىك دەڭگەيگە جەتتى. گاۋحار حانىم سول جەردە قوعاممەن بايلانىسۋ ءۇشىن، ءبىز سياقتى مۇعالىمدەردىڭ ءۇنىن ەستۋ ءۇشىن جالاقى الىپ وتىرعان جوق پا؟!
مينيسترمەن ارامىزدى بۇزىپ، ءمينيستردى ەلگە جامان قىلىپ كورسەتىپ جاتىر. ارتى جاقسى بولمايدى بۇنىڭ.
ءبىز ءبىراز ۋاقىت بۇرىن ارنايى ۋاتساپ توپ تا اشتىق. ول توپقا وبلىستىق ءبىلىم باسقارماسىنىڭ باسشىلارىن، بەلسەندى مۇعالىمدەردى، ورتا ءبىلىم جانە مەكتەپكە دەيىنگى كوميتەتتىڭ باسشىسى مايرا مەدەلبەكوۆانى جاڭاعى گاۋحار وماربەكتى دە قوستىق.
توپ جۇمىستان زاڭسىز شىعارىلعان مۇعالىمدەردىڭ ماسەلەسىن جىلاتپاي، كورىنگەن ەسىكتى قاعىپ ،ادىلدىك ىزدەپ شىرىلداۋىنا جول بەرمەي شەشۋ بولاتىن.
گاۋحاردى سىيلاعانىمىزدىڭ بەلگىسى رەتىندە توپتىڭ اكىمشىلىگىن بەردىك. (بيلىگىن)
گاۋحاردى قوسقان سەبەبىمىز حالىقپەن جۇمىس ىستەپ ءوزىن كورسەتسىن دەگەن نيەتىمىز ەدى.
بىراق گاۋحار حانىم ءبىز ويلاعاننان باسقا بولىپ شىقتى. ءبىر كۇندە بارلىق كومانداسىن توپتان شىعارىپ، توپتىڭ جۇمىسىن توقتاتىپ، اياق استىنان ديكتاتور بولىپ شىعا كەلدى.
ءسىزدىڭ كۇندەلىكتى سۇقباتتا ايتقان ادەمى سوزدەرىڭىز ،جۇمىستان زاڭسىز قۋىلىپ، ادىلدىك ىزدەپ شىرىلداعان مۇعالىمدەرگە دەمەۋ بولا المايدى. اش ادامعا التىنمەن اپتالىپ، كۇمىسپەن قاپتالعان ىشىكتىڭ كەرەگى جوق. ءبىز وسىنداي مۇعالىمدەردىڭ كوز جاسىن سۇرتۋگە ءازىر ەدىك جانە ونىڭ وڭاي شەشىلەر جولىن تاپقانىمىزعا قۋانىپ جۇرگەندە گاۋحار ءبارىن دە جوق قىلدى.
گاۋھار وماربەك كەلگەن كوكتەمنەن بەرى ءبىزدىڭ كوتەرگەن قانشاما ماسەلەمىز جاۋاپسىز قالدى.
فەيزبۋككە ءسىزدى تەكتەپ جازعان سۇراقتارىمىزعا ەشقانداي جاۋاپ بەرىلمەيدى.
سوڭعى كوتەرگەنىمىز "سايلاۋ جۇمىستارىنان مۇعالىمدەردى قۇتقارۋ" ماسەلەسى. مينيسترلىكتىڭ جاۋاپ بەرگەنىن كورگەن ادام بار ما؟
گازەت-جۋرنالعا زاڭسىز جازدىرتۋدان قۇتقارۋدى سۇرادىق، ناتيجە بولدى ما؟
قوسىمشا ساباقتار تۋرالى ساۋال جولدادىق، جاۋاپ بەرىلدى مە؟
وسىنىڭ ءبارى كىمنىڭ جۇمىسى ەدى؟
اسحات ايماعامبەتوۆ مىرزا، حاتشى قىزىڭىزدى جونگە سالۋىڭىزدى تالاپ ەتەمىز! بىزدەن رەسمي تۇردە فەيسبۋكتە كەشىرىم سۇرامايىنشا ءبىز توقتامايمىز.
