Qurmetti Askhat Aimagambetov myrza! Qurmetti áriptester!
Osy bilim salasyndaǵy zańsyzdyqtar men jemqorlyqqa qarsy kúresip kele jatqanyma 6 jyldan asty. Sizder jaqsy bilesizder, tipti sottasqan kezim de boldy. Alla qoldap ,halyq qaldap,zań qoldap sotta da jeńip shyqtym. Keıbir kezde basqa jumysqa da ketip qalǵym keletin, biraq muǵalimdik meniń janymmen qalaǵan jumysym bolǵandyqtan ketpedim.
Sizderge, ay da bolsa bir shyndyqty aıtqym kelip otyr.
Sońǵy kezde Bilim jáne ǵylym mınıstrliginiń qoǵammen baılanysy múldem álsirep ketti. Tipti keıbir menen de basqa áriptester , belsendiler baılanystyń nasharlap ketkenin aıtyp júr.
Sebep bireý, ol mınıstrliktiń baspasóz hatshysy Gaýhar Omarbek. Osyǵan naqty kózim jetti. Ol kelgen kezden bastap qoǵam belsendilerimen, oıyn ashyq aıtatyn muǵalimdermen mınıstrliktiń arasy óte alshaqtap ketti.
Aımaǵambetov kelgen kezde elden buryn qoldap jáne barlyq muǵalimdi mınıstrdi qoldaýǵa shaqyrdym.
Sebebi:
1. Mınıstrdiń qarapaıymdylyǵy unaǵan edi. Ol menimen qatar birneshe belsendi muǵalimdi tamyz keńesine ózi arnaıy shaqyryp, ýaqytyn bólip, máselelerdi ashyq talqylaǵany unady. Ár máselede qarapaıym muǵalimdermen aqyldasyp turdy.
2. Feısbýkte jazylǵan kez kelgen muǵalimniń máselesin mınıstr ózi nazarda ustaýǵa tyrysty.
3. Arnaıy ýatsap top ashtyq. Vıe-mınıstr Sholpan Karınova, sol kezdegi keńesshi Erbolat Muhamedjan, ulttyq test ortalyǵynyń basshysy Dıdar Smaǵulovty sol topqa qosyp, máseleler týyndap jatsa birden sheshýge tyrystyq.
4. Sol kezde "Pedagog mártebesi" zańy jasalý ústinde edi. Sol zańnyń keı tustarynyń kemshiligin aıtqan belsendi muǵalimderdiń usynysyn qabyldap , ózgertip otyrdy.
"Muǵalimderdiń jumys ýaqyty" týraly erejege de biz, muǵalimder usynys aıttyq. Ol usynysymyzdy da mınıstr Aımaǵambetov qabyldady.
Iá, umytyp barady ekenmin. "Ádep keńesi" quramyn ózgertýge osyndaǵy árbir muǵalim pikir aıtqan edik. Ol pikirlerimizdi de qabyldaǵan bolatyn.
Men sol kezde Aımaǵambetovti qoldaǵandardyń biri boldym. Qoǵamǵa etene jaqyn Aımaǵambetov qaıda ketti qazir?
Aımaǵambetovtiń qoǵammen baılanysyn Gaýhar Omarbek hanym qurtty, qazir kez kelgen qoǵam belsendisinen surasańyz baılanys múldem nóldik deńgeıge jetti. Gaýhar hanym sol jerde qoǵammen baılanysý úshin, biz sııaqty muǵalimderdiń únin estý úshin jalaqy alyp otyrǵan joq pa?!
Mınıstrmen aramyzdy buzyp, mınıstrdi elge jaman qylyp kórsetip jatyr. Arty jaqsy bolmaıdy bunyń.
Biz biraz ýaqyt buryn arnaıy ýatsap top ta ashtyq. Ol topqa oblystyq bilim basqarmasynyń basshylaryn, belsendi muǵalimderdi, orta bilim jáne mektepke deıingi komıtettiń basshysy Maıra Medelbekovany jańaǵy Gaýhar Omarbekti de qostyq.
Top jumystan zańsyz shyǵarylǵan muǵalimderdiń máselesin jylatpaı, kóringen esikti qaǵyp ,ádildik izdep shyryldaýyna jol bermeı sheshý bolatyn.
Gaýhardy syılaǵanymyzdyń belgisi retinde toptyń ákimshiligin berdik. (Bıligin)
Gaýhardy qosqan sebebimiz halyqpen jumys istep ózin kórsetsin degen nıetimiz edi.
Biraq Gaýhar hanym biz oılaǵannan basqa bolyp shyqty. Bir kúnde barlyq komandasyn toptan shyǵaryp, toptyń jumysyn toqtatyp, aıaq astynan dıktator bolyp shyǵa keldi.
Sizdiń kúndelikti suqbatta aıtqan ádemi sózderińiz ,jumystan zańsyz qýylyp, ádildik izdep shyryldaǵan muǵalimderge demeý bola almaıdy. Ash adamǵa altynmen aptalyp, kúmispen qaptalǵan ishiktiń keregi joq. Biz osyndaı muǵalimderdiń kóz jasyn súrtýge ázir edik jáne onyń ońaı sheshiler jolyn tapqanymyzǵa qýanyp júrgende Gaýhar bárin de joq qyldy.
Gaýhar Omarbek kelgen kóktemnen beri bizdiń kótergen qanshama máselemiz jaýapsyz qaldy.
Feızbýkke sizdi tektep jazǵan suraqtarymyzǵa eshqandaı jaýap berilmeıdi.
Sońǵy kótergenimiz "Saılaý jumystarynan muǵalimderdi qutqarý" máselesi. Mınıstrliktiń jaýap bergenin kórgen adam bar ma?
Gazet-jýrnalǵa zańsyz jazdyrtýdan qutqarýdy suradyq, nátıje boldy ma?
Qosymsha sabaqtar týraly saýal joldadyq, jaýap berildi me?
Osynyń bári kimniń jumysy edi?
Ashat Aımaǵambetov myrza, hatshy qyzyńyzdy jónge salýyńyzdy talap etemiz! Bizden resmı túrde feısbýkte keshirim suramaıynsha biz toqtamaımyz.
