«قازاقستانداعى قۇقىق قورعاۋ جانە سوت جۇيەسىن جاڭعىرتۋدىڭ وزەكتى ماسەلەلەرى» اتتى حالىقارالىق دوڭگەلەك ۇستەل بارىسىندا، قر تۇڭعىش پرەزيدەنتى — ەلباسى قورىنىڭ اتقارۋشى ديرەكتورىنىڭ ورىنباسارى يگور روگوۆ قازاقستانداعى قۇقىق قورعاۋ جانە سوت جۇيەسىن مودەرنيزاتسيالاۋدىڭ ماڭىزدىلىعى تۋرالى ايتتى، دەپ حابارلايدى قازاقپارات ءتىلشىسى. ول ەلباسى ساياساتىن جوعارى باعالاپ، ەلدە قۇقىق قورعاۋ جانە سوت جۇيەسى ۇنەمى جەتىلدىرىلىپ وتىراتىنىن ايتتى. «سوڭعى ءىرى رەفورما 2014 جىلى جۇرگىزىلدى. قىلمىستىق جانە قىلمىستىق ءىس جۇرگىزۋ كودەكستەرى قابىلداندى. بۇل كودەكستەر قازاقستاندى قۇقىق قورعاۋ جانە سوت جۇيەلەرىن ەۋروپالىق مودەلگە ايتارلىقتاي جاقىنداتتى»، - دەدى ول. يگور روگوۆتىڭ ايتۋىنشا، قر پرەزيدەنتى قاسىم-جومارت توقاەۆتىڭ حالىققا جولداعان جولداۋىندا قۇقىق قورعاۋ جانە سوت جۇيەلەرىن ودان ءارى رەفورمالاۋ مىندەتى قويىلدى. بۇل جالپى باعىتتىڭ جالعاسى ىسپەتتەس. «زاڭداردىڭ جانە باسقا دا نورماتيۆتىك قۇقىقتىق اكتىلەردىڭ ءبىراز بولىگى قابىلداندى. الايدا، ءالى دە كوپ جۇمىس ىستەۋ كەرەك. شەتەلدىك ارىپتەستەرمەن اقپارات الماسۋ، ءبىزدىڭ رەفورمالاردىڭ نەگىزگى ەرەجەلەرى ۇلكەن قىزىعۋشىلىقپەن، تۇتاستاي العاندا وڭ قابىلدانعانىن كورسەتەدى دەپ ايتقىم كەلەدى «، - دەيدى يگور روگوۆ. سونىمەن قاتار، ول قۇقىق قورعاۋ ينستيتۋتى قالاي پايدا بولعانى تۋرالى ايتتى. «اكىمشىلىك قۇقىق بۇزۋشىلىق دەگەن ۇعىمنىڭ وزىنە باستاپقى ماعىناسىن قايتارۋ كەرەك، بۇل قۇقىق بۇزۋشىلىق، ونى مەملەكەتتىك اكىمشىلىك ورگاندار قارايدى جانە قولدانادى، ونى سوت قاراستىرمايدى. سوت قارايتىن رەليكۆتەردى اكىمشىلىك قۇقىق بۇزۋشىلىق تۋرالى كودەكستەن الىپ تاستاۋ قارالدى. كەيبىر بولىگى ءتيىستى مەملەكەتتىك ورگانداردىڭ قاراۋىنا بەرىلەدى، بىراق سوتتان تىس قاراۋعا بولمايتىن قۇقىق بۇزۋشىلىقتار دا بار. ولار: قاماۋعا الۋ، مۇلكىن تاركىلەۋ. سونىمەن بىرگە، ءىس جۇرگىزۋ اكىمشىلىك كودەكستەگىدەي قاراپايىم بولىپ قالادى دەپ بولجانعان»، - دەپ قوستى ول. يگور روگوۆ گەرمانيادا سوت جازالايتىن اكىمشىلىك قۇقىق بۇزۋشىلىقتار جوق ەكەنىن اتاپ ءوتتى. وندا ولاردى پوليتسيا جانە باسقا بولىمشەلەر جازالايدى.
قۇقىق قورعاۋ ورگاندارىن رەفورمالاۋ قوعامنىڭ زور قىزىعۋشىلىعىن تۋدىرىپ وتىر - روگوۆ
23.03.2021
2598
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз