جاڭا ءبىر سوعىس وشاعىن جاققىسى كەلگەن الەمدىك ويىنشىلار قازاقستاندى تاڭداعان سەكىلدى. بىزدەرگە رەسەيدىڭ دە، تۇركيا، ۋكراينا، اقش پەن ەۋرو وداقتىڭ دا ايتاعىنا ەرۋدىڭ قاجەتى جوق.
بۇعان دەيىنگى اۋعانىستاننان باستالىپ، اراب ەلدەرى مەن ۋكراينا، گرۋزيا، كەشەگى كاۆكازدان كەيىن، ۇلكەن سوعىس وشاعىنا قازاقستان تاپتىرماس ورتالىق ەكەنى دە داۋسىز. قازاقستاندا دۇربەلەڭ تۋدىرا السا، مۇسىلمانشىلىق پەن تۇركىلىكتى، ورىس پەن قىتايدى، تۇرىكتەر ارقىلى ناتو-نى دا ارالاستىرا وتىرىپ ۇزاققا سوزىلاتىن ۇلكەن ءبىر سوعىس وشاعىن تۇتاندىرىپ، قالاعانشا ۇرلەپ وتىرۋعا تاپتىرماس الاڭ بولماق.
ونداي ماقساتتارىنا جەتە السا، قازاقستاننىڭ ەلدىگىنەن ايرىلىپ قالۋ قاۋىپى وتە جوعارى. بىزگە ەشكىمنىڭ "جىلى سوزدەرىنە دە", باۋىرمالدىقتارىنا دا يلانىپ، بىرەۋدىڭ پروۆوكاتسياسىنا دا ەرۋدىڭ قاجەتى جوق. تۇبىندە سورلايتىن ءوزىمىز. ەشكىمنىڭ ەشتەڭەسى كەتپەيدى.
وزگەلەر وزدەرىنىڭ يىقتىرەسىپ، كۇش سىناساتىن جەرلەرىن باسقا جاقتان ىزدەسىن!
ءدال قازىر اقش پەن ەۋروپا ءۇشىن رەسەي مەن قىتايدىڭ ورتاسىندا وت جاعىپ، ناتو-نىڭ قولشوقپارى بولىپ وتىرعان تۋركيانى سول سوعىسقا ارالاستىرا السا، وندا اقش پەن ەۋرووداقتىڭ ء"وز باسەكەلەستەرىن السىرەتۋ ارقىلى دەربەس ۇستەمدىككە جەتۋ" دەگەن باستى ماقساتتارى ورىندالماق.
بۇل تەكەتىرەستە الگى الپاۋتتاردىڭ ەكونوميكالىق جانە ساياسي ستراتەگيالىق تەكەتىرەستە دەربەس ۇستەمدىككە جەتۋى، ولار ءۇشىن ءبىزدىڭ جەرىمىزدەن دە، قازبا بايلىعىمىزدان دا جوعارى تۇرادى. وزگەلەر ءبىزدىڭ بايلىعىمىزعا، جەرىمىزگە قىزىعىپ جاتىر دەگەن قيالدان ارىلۋىمىز كەرەك. ءدال قازىرگى باستالۋى مۇمكىن بولىپ تۇرعان ويىندا، ءبىزدىڭ جەرىمىز دە، بايلىعىمىز دا ەشكىمگە ماڭىزدى بولىپ تۇرعان جوق.
ءدال قازىر سىرتقى كۇشتەر ءبىزدىڭ مەملەكەتىمىزدىڭ تاعدىرىن باسكە قويىپ جاتقان ويىندا، بىزدەرگە وپپوزيتسيا مەن بيلىك بولىپ بولىنۋگە بولمايدى. بۇل ءبىزدىڭ ىشكى ينتريگامىز. مەملەكەتىمىزدىڭ تۇتاستىعى مەن مۇددەسى بارلىق ىشكى الاۋىزدىعىمىزدان جوعارى تۇرۋى كەرەك!
وسى كۇنگە دەيىنگى ءجۇرىپ وتكەن جولىمىزدى قازبالاپ، ءوزارا ىرىلداساتىن كەزەڭدە ەمەسپىز. وتكەن ءىس --- تاريح. ونى ەندى ەشكىم وزگەرتە المايدى. بولارى بولدى.
ەندى، وتكەندى ۇمىتا تۇرىپ، قازاقتىڭ مەملەكەتتىك مۇددە ءۇشىن بىرىگەتىن كەزى كەلدى.
بىزدەر بۇگىن قاتەلىك جاساپ شالىس باسساق، ونىڭ باعاسى قايتا ورنىنا كەلمەستەي تىم اۋىر بولۋى مۇمكىن.
سوندىقتان، ەموتسيالارىمىزدى ىسىرىپ قويىپ، بىرەۋلەردىڭ ايتاعى مەن پروۆوكاتسياسىنا ەرىپ ۇرانداتا جونەلۋدى دوعارىپ، سالقىن قاندىلىقپەن اينالامىزدى باعامداۋىمىز كەرەك.
قىتايدىڭ "ەشتەڭە شەشۋگە شاماڭ كەلمەي، ەشتەڭەنىڭ بايىبىنا بارا الماساڭ، وزەننىڭ جاعاسىندا وتىرىپ ءوز جاۋلارىڭنىڭ(باسەكەلەستەردىڭ) ولىگىنىڭ وزەننەن اعىپ وتكەنىن كۇت" دەگەن ەڭ ۇلى ۇستانىمى بار. ءدال قازىر بىزگە قىتايدىڭ وسى ۇستانىمىن ۇسىنامىن.
كۇش سىناسقىسى كەلەتىندەر، كۇشتەرىن وزگە جەرگە بارىپ سىناسىن.
رۇستەم اشەتاەۆ،
Facebook پاراقشاسىنان الىندى.
