Jańa bir soǵys oshaǵyn jaqqysy kelgen álemdik oıynshylar Qazaqstandy tańdaǵan sekildi. Bizderge Reseıdiń de, Túrkııa, Ýkraına, AQSh pen Eýro odaqtyń da aıtaǵyna erýdiń qajeti joq.
Buǵan deıingi Aýǵanystannan bastalyp, arab elderi men Ýkraına, Grýzııa, keshegi Kavkazdan keıin, úlken soǵys oshaǵyna Qazaqstan taptyrmas ortalyq ekeni de daýsyz. Qazaqstanda dúrbeleń týdyra alsa, musylmanshylyq pen túrkilikti, orys pen qytaıdy, túrikter arqyly NATO-ny da aralastyra otyryp uzaqqa sozylatyn úlken bir soǵys oshaǵyn tutandyryp, qalaǵansha úrlep otyrýǵa taptyrmas alań bolmaq.
Ondaı maqsattaryna jete alsa, Qazaqstannyń eldiginen aırylyp qalý qaýipi óte joǵary. Bizge eshkimniń "jyly sózderine de", baýyrmaldyqtaryna da ılanyp, bireýdiń provokaııasyna da erýdiń qajeti joq. Túbinde sorlaıtyn ózimiz. Eshkimniń eshteńesi ketpeıdi.
Ózgeler ózderiniń ıyqtiresip, kúsh synasatyn jerlerin basqa jaqtan izdesin!
Dál qazir AQSh pen Eýropa úshin Reseı men Qytaıdyń ortasynda ot jaǵyp, NATO-nyń qolshoqpary bolyp otyrǵan Týrkııany sol soǵysqa aralastyra alsa, onda AQSh pen Eýroodaqtyń "óz básekelesterin álsiretý arqyly derbes ústemdikke jetý" degen basty maqsattary oryndalmaq.
Bul teketireste álgi alpaýttardyń ekonomıkalyq jáne saıası strategııalyq teketireste derbes ústemdikke jetýi, olar úshin bizdiń jerimizden de, qazba baılyǵymyzdan da joǵary turady. Ózgeler bizdiń baılyǵymyzǵa, jerimizge qyzyǵyp jatyr degen qıaldan arylýymyz kerek. Dál qazirgi bastalýy múmkin bolyp turǵan oıynda, bizdiń jerimiz de, baılyǵymyz da eshkimge mańyzdy bolyp turǵan joq.
Dál qazir syrtqy kúshter bizdiń memleketimizdiń taǵdyryn báske qoıyp jatqan oıynda, bizderge oppozıııa men bılik bolyp bólinýge bolmaıdy. Bul bizdiń ishki ıntrıgamyz. Memleketimizdiń tutastyǵy men múddesi barlyq ishki alaýyzdyǵymyzdan joǵary turýy kerek!
Osy kúnge deıingi júrip ótken jolymyzdy qazbalap, ózara yryldasatyn kezeńde emespiz. Ótken is --- tarıh. Ony endi eshkim ózgerte almaıdy. Bolary boldy.
Endi, ótkendi umyta turyp, qazaqtyń memlekettik múdde úshin birigetin kezi keldi.
Bizder búgin qatelik jasap shalys bassaq, onyń baǵasy qaıta ornyna kelmesteı tym aýyr bolýy múmkin.
Sondyqtan, emoııalarymyzdy ysyryp qoıyp, bireýlerdiń aıtaǵy men provokaııasyna erip urandata jónelýdi doǵaryp, salqyn qandylyqpen aınalamyzdy baǵamdaýymyz kerek.
Qytaıdyń "Eshteńe sheshýge shamań kelmeı, eshteńeniń baıybyna bara almasań, ózenniń jaǵasynda otyryp óz jaýlaryńnyń(básekelesterdiń) óliginiń ózennen aǵyp ótkenin kút" degen eń uly ustanymy bar. Dál qazir bizge qytaıdyń osy ustanymyn usynamyn.
Kúsh synasqysy keletinder, kúshterin ózge jerge baryp synasyn.
Rústem ÁShETAEV,
Facebook paraqshasynan alyndy.
