ءبىر كۇن ىشىندە ءتورت اۆتوكولىكتى زاڭسىز ايداپ اكەتكەن

2022
Adyrna.kz Telegram

قاراعاندى قالاسىنىڭ تۇرعىنى ءبىر كۇن ىشىندە ءتورت اۆتوكولىكتى زاڭسىز ايداپ اكەتكەن، – دەپ حابارلايدى «ادىرنا» ءىىم-گە سىلتەمە جاساپ.

17 جەلتوقسان كۇنى قاراعاندى قالالىق پوليتسيا باسقارماسىنا قاراستى كيروۆ پوليتسيا بولىمىنە قالانىڭ ءۇش بىردەي تۇرعىنى حابارلاسقان. ولار بەلگىسىز بىرەۋدىڭ وزدەرىنە تيەسىلى اۆتوكولىكتەرىن ايداپ اكەتكەنى تۋرالى ارىزدانعان.

ماسەلەن، بەلگىسىز بىرەۋ 63 جاستاعى ازاماتتىڭ قۇنى 400 مىڭ تەڭگە تۇراتىن “ۆاز-2106” اۆتوكولىگىن ايداپ اكەتسە، تاعى بىرەۋ 35 جاستاعى جابىرلەنۋشىنىڭ قۇنى 700 مىڭ تەڭگە تۇراتىن “مەرسەدەس” اۆتوكولىگىن قولدى قىلعان. ارادا بىر ساعاتتاي ۋاقىت وتكەننەن كەيىن ۇيلەردىڭ ءبىرىنىڭ اۋلاسىنان بەلگىسىز ازامات 32 جاستاعى قالا تۇرعىنىنىڭ قۇنى 3.5 ملن تەڭگە تۇراتىن “پاسسات” اۆتوكولىگىن ۇرلاپ اكەتكەن. كەيىن قاسكۇنەم ءۇش كولىكتى دە قاراعاندى قالاسىنىڭ باسقا اۋداندارىندا تاستاپ كەتكەن.

پوليتسيا قىزمەتكەرلەرى بۇل قىلمىستاردىڭ بارلىعىن ءبىر ادام ىستەۋى مۇمكىن دەگەن بولجام جاسادى. ءۇش كولىكتى ۇرلاعان ازامات قاراعاندى قالالىق پوليتسيا باسقارماسىنا قاراستى وڭتۇستىك-شىعىس پوليتسيا ءبولىمى قىزمەت كورسەتەتىن اۋماقتان ءتورتىنشى كولىككە اۋىز سالدى. ول بۇل جولى قالاداعى بازارلاردىڭ ءبىرىنىڭ ماڭىنان قۇنى 1,5 ملن تەڭگە تۇراتىن “Lexus” اۆتوكولىگىن ايداپ اكەتكەن. 32 جاستاعى جابىرلەنۋشى كولىگىن بەلگىسىز بىرەۋدىڭ زاڭسىز ايداپ اكەتكەنى تۋرالى بىردەن پوليتسيا قىزمەتكەرلەرىنە حابارلاعان.

كولىكتى تابۋ، كۇدىكتىنى ۇستاۋ بويىنشا “توسقاۋىل” وپەراتسياسى باستالدى. قاراعاندى قالالىق پوليتسيا باسقارماسى پاترۋلدىك پوليتسيا قىزمەتكەرلەرى قالا ورتالىعىنداعى كوشەلەردىڭ بىرىنەن ۇرلانعان كولىكتى بايقاعان.

اتالعان كولىكتى 22 جاستاعى ازامات باسقارىپ كەلە جاتقان. ۇستالعان كۇدىكتى ءتورت كولىكتى دە زاڭسىز ايداپ اكەتكەنىن مويىندادى. اتالعان فاكتىلەر بويىنشا قازاقستان رەسپۋبليكاسى قىلمىستىق كودەكسىنىڭ 200-بابىنا (اۆتوموبيلدi نەمەسە وزگە دە كولiك قۇرالىن جىمقىرۋ ماقساتىنسىز قۇقىققا سىيىمسىز يەلەنىپ الۋ) سايكەس قىلمىستىق ءىس قوزعالىپ، تەرگەۋ امالدارى جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالدى.

«ادىرنا» ۇلتتىق پورتالى

پىكىرلەر