Qaraǵandy qalasynyń turǵyny bir kún ishinde tórt avtokólikti zańsyz aıdap áketken, – dep habarlaıdy «Adyrna» IIM-ge silteme jasap.
17 jeltoqsan kúni Qaraǵandy qalalyq Polıııa basqarmasyna qarasty Kırov polıııa bólimine qalanyń úsh birdeı turǵyny habarlasqan. Olar belgisiz bireýdiń ózderine tıesili avtokólikterin aıdap áketkeni týraly aryzdanǵan.
Máselen, belgisiz bireý 63 jastaǵy azamattyń quny 400 myń teńge turatyn “VAZ-2106” avtokóligin aıdap áketse, taǵy bireý 35 jastaǵy jábirlenýshiniń quny 700 myń teńge turatyn “Mersedes” avtokóligin qoldy qylǵan. Arada bir saǵattaı ýaqyt ótkennen keıin úılerdiń biriniń aýlasynan belgisiz azamat 32 jastaǵy qala turǵynynyń quny 3.5 mln teńge turatyn “Passat” avtokóligin urlap áketken. Keıin qaskúnem úsh kólikti de Qaraǵandy qalasynyń basqa aýdandarynda tastap ketken.
Polıııa qyzmetkerleri bul qylmystardyń barlyǵyn bir adam isteýi múmkin degen boljam jasady. Úsh kólikti urlaǵan azamat Qaraǵandy qalalyq Polıııa basqarmasyna qarasty Ońtústik-shyǵys polıııa bólimi qyzmet kórsetetin aýmaqtan tórtinshi kólikke aýyz saldy. Ol bul joly qaladaǵy bazarlardyń biriniń mańynan quny 1,5 mln teńge turatyn “Lexus” avtokóligin aıdap áketken. 32 jastaǵy jábirlenýshi kóligin belgisiz bireýdiń zańsyz aıdap áketkeni týraly birden polıııa qyzmetkerlerine habarlaǵan.
Kólikti tabý, kúdiktini ustaý boıynsha “Tosqaýyl” operaııasy bastaldy. Qaraǵandy qalalyq Polıııa basqarmasy patrýldik polıııa qyzmetkerleri qala ortalyǵyndaǵy kóshelerdiń birinen urlanǵan kólikti baıqaǵan.
Atalǵan kólikti 22 jastaǵy azamat basqaryp kele jatqan. Ustalǵan kúdikti tórt kólikti de zańsyz aıdap áketkenin moıyndady. Atalǵan faktiler boıynsha Qazaqstan Respýblıkasy Qylmystyq kodeksiniń 200-babyna (Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý) sáıkes qylmystyq is qozǵalyp, tergeý amaldary júrgizilýde. Kúdikti ýaqytsha ustaý ızolıatoryna qamaldy.
«Adyrna» ulttyq portaly
