قازاقستاندا «اق جولدىڭ» 2019 جىلدىڭ مامىرىنان بەرى تالاپ ەتىپ كەلە جاتقان سىبايلاس جەمقورلىق بويىنشا سوتتالعانداردى مەرزىمىنەن بۇرىن شارتتى تۇردە بوساتۋعا تىيىم سالىندى.
قازاقستاندا سىبايلاس جەمقورلىق ءۇشىن سوتتالعانداردى مەرزىمىنەن بۇرىن شارتتى تۇردە بوساتۋعا تىيىم سالىندى. بۇل تۋرالى باق-دا رەسمي تۇردە حابارلاندى. پرەزيدەنت سىبايلاس جەمقورلىققا قارسى ءىس-قيمىل ماسەلەلەرى بويىنشا بىرقاتار زاڭدارعا قول قويدى.
قىلمىستىق كودەكستە اۋىر جانە اسا اۋىر سىبايلاس جەمقورلىق قىلمىستارى ءۇشىن سوتتالعان ادامداردى مەرزىمىنەن بۇرىن شارتتى تۇردە بوساتۋ مۇمكىندىگى الىنىپ تاستالدى. سونىمەن قاتار، «سىبايلاس جەمقورلىققا قارسى ءىس-قيمىل تۋرالى» زاڭ مەملەكەتتىك قىزمەتكەرلەر ءۇشىن شەتەلدىك بانكتىك شوتتاردى يەلەنۋگە شەكتەۋمەن تولىقتىرىلادى.
ايتا كەتەيىك، سىبايلاس جەمقورلىققا قارسى ءىس-قيمىل جانە ەكونوميكانى دەوفشوريزاتسيالاۋ ماسەلەلەرى - «اق جول» دەموكراتيالىق پارتياسى قىزمەتىنىڭ باستى باعىتتارىنىڭ ءبىرى. «اق جول» وسى ماسەلە بويىنشا ۇكىمەت پەن باس پروكۋراتۋرانىڭ قۇزىرىنا ونداعان رەت دەپۋتاتتىق ساۋالدار جىبەرگەن بولاتىن.
2019 جىلدىڭ 22 مامىرىندا ازات پەرۋاشەۆ كەلەسىدەي ساۋال جولدادى:
- سىبايلاس جەمقورلىق ءۇشىن سوتتالعان ادامداردى مەرزىمىنەن بۇرىن شارتتى تۇردە بوساتۋدىڭ كۇشىن جويۋ;
- جەمقورلارعا، ءتىپتى جازاسىن وتەگەننەن كەيىن دە، ۇرلانعان قاراجاتتى تولىق وتەگەنگە دەيىن ەلدەن كەتۋگە تىيىم سالۋ;
- جوعارى قىزمەتتەگى مەملەكەتتىك قىزمەتشىلەردىڭ (ۇكىمەت مۇشەلەرىن قوسا العاندا), ۇلتتىق كومپانيالار باسشىلارىنىڭ شەتەلدىك شوتتارى ءۇشىن بانك قۇپياسى قاعيداتىن الىپ تاستاۋ.
ساۋالدا ماڭىزدى مىندەت تەك قايتارۋ عانا ەمەس، سونىمەن قاتار زاڭسىز كاپيتالدى شەتەلگە شىعارۋدىڭ جولىن كەسۋ بولىپ تابىلاتىنى اتاپ ءوتىلدى.
«ءتىپتى سوتتالعان بولسا دا، ولار ءبىر جارىم جىلدان كەيىن مەرزىمىنەن شارتتى تۇردە بوساتىلىپ شىعىپ، ءوز كاپيتالدارىن ۇلكەيتۋ ارەكەتتەرىن جالعاستىرۋدى كوزدەيدى. بۇل ءۋاجدى باتىس مەملەكەتتەرى ءبىرىنشى بولىپ انىقتادى. وسىعان بايلانىستى، مىسالى، اقش-تىڭ بىرقاتار شتاتتارىندا سىبايلاس جەمقورلىق ءۇشىن 10-15 جىلعا سوتتالعان ادامداردى مەرزىمىنەن بۇرىن بوساتۋعا تىيىم سالىنادى»، - دەلىنگەن سۇراۋدا.
وسىعان بايلانىستى «اق جول» فراكتسياسى «گۋمانيزاتسيالاۋ» دەگەن اتپەن جەمقورلاردىڭ ارەكەتتەرىنە كوز جۇمۋدى توقتاتۋدى تالاپ ەتتى.
«ادامگەرشىلىك حالىقتى توناپ جۇرگەندەرگە كورسەتىلمەۋى كەرەك»، - دەپ اتاپ ءوتىلدى ساۋالدا.
«اق جول» دەموكراتيالىق پارتياسى قابىلدانعان وزگەرىستەردى قۇپتايدى جانە سىبايلاس جەمقورلىققا قارسى ءىس-قيمىل جونىندەگى جۇمىستى جالعاستىراتىنىن مالىمدەيدى.
"ادىرنا" ۇلتتىق پورتالى.
ماقالانىڭ اقىسى "اق جول" دەموكراتيالىق
پارتياسى سايلاۋ قورىنىڭ قاراجاتىنان تولەندى.
