Qazaqstanda «Aq joldyń» 2019 jyldyń mamyrynan beri talap etip kele jatqan sybaılas jemqorlyq boıynsha sottalǵandardy merziminen buryn shartty túrde bosatýǵa tyıym salyndy.
Qazaqstanda sybaılas jemqorlyq úshin sottalǵandardy merziminen buryn shartty túrde bosatýǵa tyıym salyndy. Bul týraly BAQ-da resmı túrde habarlandy. Prezıdent sybaılas jemqorlyqqa qarsy is-qımyl máseleleri boıynsha birqatar zańdarǵa qol qoıdy.
Qylmystyq kodekste aýyr jáne asa aýyr sybaılas jemqorlyq qylmystary úshin sottalǵan adamdardy merziminen buryn shartty túrde bosatý múmkindigi alynyp tastaldy. Sonymen qatar, «sybaılas jemqorlyqqa qarsy is-qımyl týraly» zań memlekettik qyzmetkerler úshin sheteldik banktik shottardy ıelenýge shekteýmen tolyqtyrylady.
Aıta keteıik, sybaılas jemqorlyqqa qarsy is-qımyl jáne ekonomıkany deofshorızaııalaý máseleleri - «Aq jol» demokratııalyq partııasy qyzmetiniń basty baǵyttarynyń biri. «Aq jol» osy másele boıynsha Úkimet pen Bas prokýratýranyń quzyryna ondaǵan ret depýtattyq saýaldar jibergen bolatyn.
2019 jyldyń 22 mamyrynda Azat Perýashev kelesideı saýal joldady:
- Sybaılas jemqorlyq úshin sottalǵan adamdardy merziminen buryn shartty túrde bosatýdyń kúshin joıý;
- Jemqorlarǵa, tipti jazasyn ótegennen keıin de, urlanǵan qarajatty tolyq ótegenge deıin elden ketýge tyıym salý;
- Joǵary qyzmettegi memlekettik qyzmetshilerdiń (úkimet múshelerin qosa alǵanda), ulttyq kompanııalar basshylarynyń sheteldik shottary úshin bank qupııasy qaǵıdatyn alyp tastaý.
Saýalda mańyzdy mindet tek qaıtarý ǵana emes, sonymen qatar zańsyz kapıtaldy shetelge shyǵarýdyń jolyn kesý bolyp tabylatyny atap ótildi.
«Tipti sottalǵan bolsa da, olar bir jarym jyldan keıin merziminen shartty túrde bosatylyp shyǵyp, óz kapıtaldaryn úlkeıtý áreketterin jalǵastyrýdy kózdeıdi. Bul ýájdi Batys memleketteri birinshi bolyp anyqtady. Osyǵan baılanysty, mysaly, AQSh-tyń birqatar shtattarynda sybaılas jemqorlyq úshin 10-15 jylǵa sottalǵan adamdardy merziminen buryn bosatýǵa tyıym salynady», - delingen suraýda.
Osyǵan baılanysty «Aq jol» frakııasy «gýmanızaııalaý» degen atpen jemqorlardyń áreketterine kóz jumýdy toqtatýdy talap etti.
«Adamgershilik halyqty tonap júrgenderge kórsetilmeýi kerek», - dep atap ótildi saýalda.
«Aq jol» demokratııalyq partııasy qabyldanǵan ózgeristerdi quptaıdy jáne sybaılas jemqorlyqqa qarsy is-qımyl jónindegi jumysty jalǵastyratynyn málimdeıdi.
"Adyrna" ulttyq portaly.
Maqalanyń aqysy "Aq jol" demokratııalyq
partııasy saılaý qorynyń qarajatynan tólendi.
