ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ (دياقب) بايقاۋشىلار ميسسياسىنىڭ دەلەگاتتارى قازاقستان رەسپۋبليكاسى كاسىپوداقتار فەدەراتسياسى بايقاۋشىلارىنىڭ رەسپۋبليكالىق شتابىندا بولدى.
دەلەگاتسيانى ەقىۇ-نىڭ ەلەكتورالدى شولۋشىسى ميحاەلا سيۆيچ باسقاردى.
كاسىپوداقتار فەدەراتسياسى اتىنان بۇل كەزدەسۋگە قركف بايقاۋشىلارىنىڭ رەسپۋبليكالىق شتابىنىڭ توراعاسى نۇرلان وتەشەۆ، نۇر-سۇلتان بويىنشا بايقاۋشىلاردىڭ ايماقتىق شتابىنىڭ توراعاسى تولەگەن كۇنادىلوۆ جانە قركف بايقاۋشىلارىنىڭ رەسپۋبليكالىق شتابىنىڭ اناليتيك-ساراپشىسى شەرزود پۋلاتوۆ قاتىستى.
ميحاەلا سيۆيچ كاسىپوداقتار فەدەراتسياسىنىڭ سايلاۋدى بايقاۋعا قاتىسۋىنىڭ ماقساتتارى مەن مىندەتتەرى تۋرالى سۇرادى.
«30 جىل بۇرىن كاسىپوداقتار فەدەراتسياسى ءوزىنىڭ قىزمەتىنىڭ باستى ماقساتى – كاسىپوداق مۇشەلەرىنىڭ الەۋمەتتىك-ەكونوميكالىق، ەڭبەك قۇقىقتارى مەن مۇددەلەرىن ءبىلدىرۋ مەن قورعاۋدى بەلگىلەپ، مەملەكەتتىك ورگانداردان، جۇمىس بەرۋشىلەردەن جانە ساياسي پارتيالاردان تاۋەلسىزدىگىن جاريالادى.
2 ميلليون مۇشەسىنىڭ مۇددەلەرىن بىلدىرەتىن كاسىپوداقتار فەدەراتسياسى ەڭ ماڭىزدى ىشكى ساياسي پروتسەستەردەن تىس قالا المايدى جانە سايلاۋ پروتسەسىنىڭ زاڭدىلىعى مەن اشىقتىعىن ساقتاۋدى قولدايدى. قاراشا ايىندا ءبىز بايقاۋشى رەتىندە ءماجىلىس پەن ءماسليحاتتار دەپۋتاتتارىنىڭ سايلاۋىنا قاتىسۋ تۋرالى مالىمدەمە جاسادىق »، – دەپ اتاپ ءوتتى نۇرلان وتەشەۆ.
ول شەتەلدىك ارىپتەستەرىنە كاسىپوداقتاردان بايقاۋشىلاردىڭ رەسپۋبليكالىق جانە ايماقتىق شتابىنىڭ جۇمىسى تۋرالى، ونىڭ ىشىندە بايقاۋشىلاردى وقىتۋ شارالارى، باق-پەن ءوزارا ءىس-قيمىل جانە ۇيىمداستىرۋ جۇمىستارى تۋرالى حاباردار ەتتى.
«كاسىپوداقتار فەدەراتسياسىنىڭ بايقاۋشىلارى رەتىندە ەل بويىنشا شامامەن 7000 كاسىپوداق مۇشەلەرى قاتىسادى. كاسىپوداق بايقاۋشىلارى بارلىق سايلاۋ كەزەڭىندە ازاماتتاردىڭ ءسوز بوستاندىعىنا قۇقىقتارىن قامتاماسىز ەتۋگە باعىتتالعان.ءبىز سايلاۋ پروتسەسىنىڭ ەلدىڭ زاڭدارىنا سايكەس ءوتۋىن قامتاماسىز ەتەمىز. ەلدەگى شتابتاردىڭ باسشىلارى ساياسي پارتيالارمەن، جۇمىس بەرۋشىلەرمەن جانە ەڭبەك ۇجىمدارىمەن كەزدەسۋلەر وتكىزىپ، ازاماتتاردىڭ ءسوز بوستاندىعىن بۇزۋعا جول بەرىلمەيتىندىگى تۋرالى اقپاراتتى جەتكىزدى»، – دەدى قكرف بايقاۋشىلار شتابىنىڭ توراعاسى.
كەزدەسۋ اياسىندا قركف شتابى مەن مونيتورينگ جۇرگىزەتىن باسقا ۇكىمەتتىك ەمەس ۇيىمداردىڭ ءوزارا ءىس-قيمىل ماسەلەلەرى دە تالقىلاندى.
بايقاۋشىلاردى دايارلاۋ جونىندەگى جۇمىس تۋرالى ايتا وتىرىپ، نۇرلان وتەشەۆ سايلاۋدى پارتيالىق ەمەس بايقاۋ ورتالىعى اياسىندا بايقاۋشىلاردى وقىتۋ جونىندەگى ازاماتتىق اليانسپەن بىرلەسكەن باستامالارى تۋرالى ايتتى. ورتالىق بۇكىل ەل بويىنشا سايلاۋ ۋچاسكەلەرىن بارىنشا قامتۋ ءۇشىن بايقاۋشىلاردى ەڭ جاقسى حالىقارالىق ستاندارتتار شەڭبەرىندە وقىتادى. ورتالىقتا قركف مەن ازاماتتىق اليانستان شامامەن 11 مىڭ بايقاۋشى وقىتىلاتىن بولادى. حالىقارالىق ۇيىم وكىلدەرى قازاقستانداعى ەقىۇ كەڭسەسىنىڭ بايقاۋشىلار ميسسياسىنىڭ جۇمىسى تۋرالى ايتتى.
ميحاەلا سيۆيچ دياقب باقىلاۋشىلارى پارلامەنتتىك سايلاۋدى ەقىۇ مىندەتتەمەلەرىنە جانە باسقا دا حالىقارالىق مىندەتتەمەلەرگە، سونداي-اق دەموكراتيالىق سايلاۋ ستاندارتتارىنا سايكەستىگى ءۇشىن باعالايتىنىن باسا ايتتى.
«بايقاۋشىلار سايلاۋشىلار مەن كانديداتتاردى تىركەۋدى، ۇگىت-ناسيحات جۇمىستارىن، سايلاۋ اكىمشىلىگى مەن ءتيىستى مەملەكەتتىك ورگانداردىڭ جۇمىسىن، سايلاۋعا قاتىستى زاڭنامانى جانە ونىڭ قولدانىلۋىن، بۇقارالىق اقپارات قۇرالدارىن جانە سايلاۋعا قاتىستى داۋلاردى شەشۋدى مۇقيات قاداعالايدى»، – دەدى حالىقارالىق ساراپشى.
كەزدەسۋ بارىسىندا كاسىپوداقتار فەدەراتسياسىنىڭ سايلاۋ پروتسەستەرىنە قاتىسۋىنىڭ ماڭىزدىلىعى اتاپ ءوتىلدى.
تاراپتار ءبىراۋىزدان ۇلتتىق جانە حالىقارالىق زاڭنامانىڭ تالاپتارىنا سايكەس قازاقستاندا اشىق جانە ءادىل سايلاۋ وتكىزۋدىڭ ماڭىزدىلىعىن اتاپ ءوتتى.
قر كاسىپوداقتار فەدەراتسياسىنىڭ مەديا ورتالىعى
