«قۇرمەت» وردەنىن العان گەنەرال-مايور سوتتالدى

3456
Adyrna.kz Telegram

قر قورعانىس مينيسترلىگى كادر دەپارتامەنتىنىڭ بۇرىنعى باسشىسى، گەنەرال-مايور قايرات كوپباەۆ پارا العانى ءۇشىن سوتتالدى، دەپ حابارلايدى «ادىرنا» ءتىلشىسى سىبايلاس جەمقورلىققا قارسى ءىس-قيمىل اگەنتتىگىنىڭ Telegram اككاۋنتىنا سىلتەمە جاساپ.

قازىرگى تاڭدا گەنەرال-مايورعا قاتىستى قىلمىستىق ءىستى تەرگەۋ اياقتالدى.

«2019 جىلدىڭ مامىر ايىندا كوپباەۆتىڭ اقتوبە قالاسىنداعى «ت.بيگەلدينوۆ اتىنداعى اۋە قورعانىسى كۇشتەرىنىڭ اسكەري ينستيتۋتى» رمم-عا وفيتسەرلىك لاۋازىمعا تاعايىنداعانى ءۇشىن 200 مىڭ تەڭگە سوماسىندا پارا العانى انىقتالدى. اقمولا گارنيزونى اسكەري سوتىنىڭ ۇكىمىمەن كوپباەۆ مەملەكەتتىك قىزمەتتە ءومىر بويىنا لاۋازىم اتقارۋ قۇقىعىنان جانە 5 جىلعا باس بوستاندىعىنان ايىرىلدى»، - دەلىنگەن حابارلامادا.

سونىمەن بىرگە، سوت قازاقستان رەسپۋبليكاسى پرەزيدەنتىنىڭ اتىنان كوپباەۆتى گەنەرال-مايور اسكەري اتاعىنان جانە «قۇرمەت» وردەنىنەن ايىرۋ تۋرالى ۇسىنىس ەنگىزگەن.

«ادىرنا» ۇلتتىق پورتالى

پىكىرلەر