توتەنشە جاداي – تابيعي نەمەسە ءوندىرىس اپاتتارىنىڭ زارداپتارىن ماتەريالدىق، تەحنيكالىق، اقشا قاراجاتى مەن ادام كۇشىن تالاپ ەتەتىن جاداي. قازاقتا «اپات ايتىپ كەلمەيدى» دەگەن ءسوز بار. تابيعي اپاتتاردىڭ ىشىندەگى ادامداردىڭ ءومىرى مەن دەنساۋلىعىنا، قورشاعان ورتاعا زيان تيگىزەتىن الاپات اپاتتىڭ ءبىرى – ءورت. «ءورت – ءتىلسىز جاۋ» دەپ اتا-بابامىز بەكەر ايتپاعان.
ءورتتىڭ شىعۋ سەبەپتەرى: ەلەكتر جابدىقتارىنىڭ اقاۋلىعى، بالالاردىڭ اشىق وتپەن ويناۋى، ادامداردىڭ ءورت قاۋىپسىزدىگى ەرەجەلەرىنە سالعىرت قاراۋىنان، ماس كۇيىندە تەمەكى شەگىپ ۇيىقتاپ قالۋ، تۇرمىستا بولسىن، قىزمەتتە، ساۋدا ورىندارىندا ءورت قاۋىپسىزدىگى ەرەجەلەرىنىڭ ساقتاماۋىنان تۋىندايدى.
جاقىندا ورتالىق كوممۋنيكاتسيالار قىزمەتىندە «جىلىتۋ ماۋسىمى جانە ءورت قاۋىپسىزدىگى تۋرالى» تاقىرىبىندا وتكەن بريفينگتە قازاقستان رەسپۋبليكاسىنىڭ توتەنشە جاعدايلار ءمينيسترى يۋري يلين ءورتتىڭ تۋىنداۋى، ادامداردىڭ قازا بولۋى مەن جاراقاتتانۋى قاۋپىن ازايتۋ ماقساتىندا تج مينيسترلىگىنىڭ الدىن الۋ جۇمىستارى تۋرالى اقپارات بەردى.
قازاقستاننىڭ توتەنشە جاعدايلار ءمينيسترىنىڭ ايتۋىنشا، حالىقتىڭ الەۋمەتتىك وسال توپتارىنىڭ 118 959 تۇرعىن ءۇيى ەسەپكە الىنعان. تۇرعىن ۇيلەردى ارالاۋ جۇمىستارى 100 % ورىندالدى، ونىڭ بارىسىندا 334 469 ازاماتقا نۇسقامالار تاراتىلدى.
جەرگىلىكتى اتقارۋشى ورگانداردىڭ وكىلدەرىنەن كوميسسيا قۇرىلىپ، ولار جيىنى 87 497 ۇيدى ارالاعان. سونداي-اق، پروفيلاكتيكالىق جۇمىستارعا وتكەن جىلىتۋ ماۋسىمدارىنىڭ تاجىريبەسى نەگىزىندە اۆتونومدى جىلىتۋ جۇيەلەرى بار توتەنشە جاعدايلاردىڭ تۋىنداۋىنا نەعۇرلىم بەيىم تۇرعىن ۇيلەر قامتىلۋدا. جالپى، 1 156 185 ۇيگە ارالاۋ جۇمىستارى جۇرگىزىلدى، 2 410 536 ازاماتقا نۇسقامالار بەرىلدى.
ۋلى گازبەن ۋلانۋدان نەمەسە ورتتەن بولعان قايعىلى سالداردىڭ قاۋپىن ازايتۋ ماقساتىندا جەرگىلىكتى اتقارۋشى ورگانداردىڭ دەمەۋشىلىك ەسەبىنەن (2020 جىلعى 1 ماۋسىمنان باستاپ) 16 150 داتچيك الىنىپ، ورناتىلعان. ونىڭ ىشىندە تابيعي گاز – 6 237, ۋلى گاز – 9 028, ءتۇتىن – 885.
جىلىتۋ ماۋسىمى باستالعاننان بەرى (2020 جىلعى 1 قىركۇيەكتەن باستاپ) تۇرعىن ءۇي سەكتورىندا 2 768 ورت بولعان، ونىڭ سالدارىنان 96 ادام، ۋلى گازبەن ۋلانۋ ء(ورت تۋىنداماي) سالدارىنان 7 ادام قايتىس بولعان.
وتكەن جىلىتۋ كەزەڭىنىڭ سايكەس كەزەڭىمەن سالىستىرعاندا ءورت سانىنىڭ 5,4%-عا وسكەن (2019ج. – 2 625). ءورت كەزىندە قازا تاپقاندار سانى 11,6% (2019ج. – 86), قايتىس بولعاندار سانى ۋلى گازبەن ۋلانۋ سالدارىنان ء(ورت تۋىنداماي) 53%–عا تومەندەدى (2019ج. - 15).
ورتتەردىڭ تۋىنداۋى، ادامداردىڭ قازا بولۋى مەن جاراقاتتانۋ قاۋپىن ازايتۋ ماقساتىندا تج مينيسترلىگى جاڭا جىلدىق ءىس-شارالاردى وتكىزۋ بارىسىندا ءورت قاۋىپسىزدىگى تالاپتارىن ساقتاۋ بويىنشا اۋقىمدى پروفيلاكتيكالىق جۇمىس ۇيىمداستىردى.
2020 جىلدىڭ باسىنان باستاپ ەل اۋماعىندا پيروتەحنيكالىق بۇيىمداردى قولدانۋ كەزىندە 15 ورت وقيعاسى تىركەلگەن. وسى ورايدا پوليتسيا دەپارتامەنتتەرىمەن بىرلەسىپ، پيروتەحنيكالىق قاۋىپسىزدىك بۇيىمدارىن رۇقسات ەتىلمەگەن ساتۋ ورىندارى بويىنشا 33 رەيد جۇرگىزىلدى. رەيدتەر بارىسىندا كاسىپكەرلەرگە ءورت قاۋىپسىزدىگىنىڭ تالاپتارى ءتۇسىندىرىلدى. 222 نۇسقاما وتكىزىلدى (2414 ادام قامتىلدى). 3710 دانا ۇگىت-ناسيحات ماتەريالى تاراتىلدى.
ويىن-ساۋىق ورتالىقتارىنىڭ، مەيرامحانالاردىڭ، ءدامحانالاردىڭ، كلۋبتاردىڭ يەلەرى بولىپ تابىلاتىن جەكە كاسىپكەرلىك سۋبەكتىلەرىمەن 3 دوڭگەلەك ۇستەل وتكىزىلدى، وندا مادەني-بۇقارالىق ءىس-شارالار وتكىزۋ جوسپارلانۋدا.
توتەنشە جاعدايلار مينيسترلىگى ازاماتتاردى ءورت قاۋىپسىزدىگى قاعيدالارىن ساقتاۋعا شاقىرادى.
د.ارعىنگەلدى،
«ادىرنا» ۇلتتىق پورتالى.
كومەگىمەن دايىندالدى.
