ءال-فارابي اتىنداعى قازۇۋ-دىڭ ءاربىر وقىتۋشىسى، ستۋدەنتى مەن تۇلەگى ماقتانىش سەزىمىنە بولەنەدى: ۋنيۆەرسيتەت QS جاھاندىق رەيتينگىندە 165-ورىنعا كوتەرىلىپ، الەمنىڭ ۇزدىك 200 ۋنيۆەرسيتەتىنىڭ قاتارىنا كىرەدى. بولونيا قالاسىندا ۋنيۆەرسيتەتتەردىڭ ۇلى حارتياسىنا قول قويعان قازاقستان مەن ورتالىق ازيا ەلدەرىنىڭ جوعارى وقۋ ورىندارى اراسىندا ءبىرىنشى بولىپ، ۋنيۆەرسيتەت تۇراقتى دامۋ بويىنشا بۇۇ-نىڭ "اكادەميالىق ىقپال" باعدارلاماسىنىڭ جاھاندىق حابى رەتىندە ارەكەت ەتەدى. قازۇۋ جاڭا بۋىن ۋنيۆەرسيتەتى – "ۋنيۆەرسيتەت 4.0"مودەلىن ازىرلەپ، ەنگىزدى.
قازۇۋ، سونىمەن قاتار، الەمدەگى ەڭ ەكولوگيالىق جاعىنان تازا توپ-200 جانە تەحنولوگيالىق دامىعان توپ-50 جوعارى وقۋ ورىندارىنىڭ قاتارىنا كىرەدى. ەۋروپالىق عىلىمي-ونەركاسىپتىك پالاتاسىنىڭ "اا+" جوعارى باعاسىن الىپ، قازاقستان ۋنيۆەرسيتەتى ەۋروپانىڭ جەتەكشى جوعارى وقۋ ورىندارىمەن ءبىر قاتاردا تۇر. وسى جەتىستىكتەردىڭ بارلىعى قازۇۋ-دى تۇركى جانە يسلام الەمىنىڭ ۇزدىك ۋنيۆەرسيتەتى دەپ تانۋعا ىقپال ەتتى.
ۋيۆەرسيتەتتىڭ باستاماسىمەن 12 شەت ەلىندە ءال-فارابي ورتالىقتارى قۇرىلدى. جوعارى حالىقارالىق ستاندارتتارعا سايكەس كەلەتىن ەكسپەريمەنتتىك ءبىلىم بەرۋ باعدارلامالارى ازىرلەنىپ، ەنگىزىلدى، ولاردىڭ كوپشىلىگى حالىقارالىق اككرەديتتەۋدەن ءوتتى. ستاتيستيكالىق دەرەكتەر قازۇۋ عالىمدارىنىڭ Thomson Reuters جانە Scopus كومپانيالارىنىڭ حالىقارالىق دەرەكتەر بازاسىندا يندەكستەلەتىن شەتەلدىك رەيتينگتىك باسىلىمدارداعىجاريالانىمدارىنىڭەڭ كوپ سانى بار ەكەنىن كورسەتەدى.
جەتەكشى شەتەلدىك ۋنيۆەرسيتەتتەرمەن بىرلەسە وتىرىپ، قوس ديپلوم باعدارلامالارى مەن اعىلشىن تىلىندەگى ءبىلىم بەرۋ باعدارلامالارى جۇزەگە اسىرىلۋدا، سونىڭ ارقاسىندا قازۇۋ-دا قازاقستانداعى ەڭ كوپ شەتەلدىك ستۋدەنتتەر ءبىلىم الۋدا.
بارلىق وسى ناتيجەلەردىڭ ارتىندا ادامدار – باسقارۋشى پەرسونال جانە ەڭ الدىمەن پروفەسسورلىق-وقىتۋشىلىق قۇرام تۇر.
قاسەن گ.ا.
ابدۋللاەۆا پ.ت.
