«ادال تۇلعا-2020» ۇلتتىق سىيلىعى اياسىندا قر بعم قاراستى «ADAL BILIM» جوبالىق كەڭسەسى «ەڭ ۇزدىك ۇلتتىق جوبا» نوميناتسياسىنا يە بولدى. ۇلتتىق سىيلىقتى قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ تابىستادى دەپ حابارلايدى «ادىرنا» ۇلتتىق پورتالى «ADAL BILIM» جوبالىق كەڭسەسىنىڭ ءباسپاسوز قىزمەتىنە سىلتەمە جاساپ.
اتالعان ماراپاتقا «ADAL BILIM» جوبالىق كەڭسەسى ءبىلىم جانە عىلىم سالاسىنداعى سىبايلاس جەمقورلىقتىڭ الدىن الۋ بويىنشا جۇرگىزگەن جۇمىستارى ءۇشىن يە بولدى. جوبالىق كەڭسەنىڭ نەگىزگى قىزمەتتەرىنىڭ ءبىرى -مەكتەپكە دەيىنگى، ورتا، تەحنيكالىق جانە كاسىپتىك، جوعارى جانە جوعارى وقۋ ورنىنان كەيىنگى ءبىلىم بەرۋ، عىلىم سالاسىندا پاراساتتىلىقتى قالىپتاستىرۋ. سونداي-اق «ADAL BILIM» وسى سالالاردى رەتتەيتىن نورماتيۆتىك قۇقىقتىق اكتىلەردى تالداۋ جۇمىستارىمەن اينالىسادى.
«ADAL BILIM» جوبالىق كەڭسەسى — مەملەكەتتىك مەكەمە ەمەس. بۇل — قوعامدىق جۇمىس. ءبىلىم جانە عىلىم سالاسىنداعى جەمقورلىقتىڭ الدىن الۋ بويىنشا جۇمىس ىستەپ جاتقانىمىزعا 1 جىل عانا بولدى. وسى ۋاقىت ارالىعىندا اتالعان سالالار بويىنشا تىركەلگەن زاڭ بۇزۋشىلىقتار بويىنشا جۇمىس ىستەپ، جاقسى ناتيجە كورسەتىپ ۇلگەردىك. «ەڭ ۇزدىك ۇلتتىق جوبا» اتانۋىمىز بىزگە ۇلكەن جاۋاپكەرشىلىك جۇكتەيدى. الداعى ۋاقىتتا دا ەلىمىزدەگى سىبايلاس جەمقورلىق فاكتورلارىن بارىنشا ازايتۋ ءۇشىن قىزمەت ەتەتىن بولامىز»، - دەدى ADAL BILIM» جوبالىق كەڭسەسىنىڭ توراعاسى تالعات نارىكباەۆ.
اتاپ وتەيىك، «ADAL BILIM» جوبالىق كەڭسەسى 2019 جىلدىڭ 2 شىلدەسىندە م.س. نارىكباەۆ اتىنداعى كازگيۋ ۋنيۆەرسيتەتىنىڭ بازاسىندا قۇرىلعان.
