مۇرتازا ءجۇنىسۇلى: شابۋىل كوبەيىپ بارادى

2952
Adyrna.kz Telegram

بۇرىن جيرينوۆسكي عانا ەدى شاڭقىلداپ، وتتاي بەرەتىن، ىشىندەگى ءىرىڭدى قۇسا بەرەتىن. ال سوڭعى جىلدارى رەسەيدىڭ تانىمال تۇلعالارىنىڭ، باسقاسىن ايتپاعاندا، ءوزىمىزدىڭ قازاقستاننىڭ تۇتاستىعىنا، قازاق ۇلتىنىڭ تاريحىنا قاتىستى بەياۋىز سوزدەرى، ارانداتۋشى پيعىلداعى جاڭساق سويلەمدەرى، شابۋىلدارى كوبەيىپ كەتتى. رەسەيدەگى كەيبىر ساياساتتانۋشىلار مەن جۋرناليستتەردىڭ بۇل ارەكەتىن رەيتينگ كوتەرۋ، قايسىبىر تاپسىرمانى ورىنداۋ، بەلگىلى ءبىر ماقساتتارعا جەتۋ ءۇشىن جاسالعان دەسەك تە، جوعارى لاۋازىمدى ادامداردىڭ، دەپۋتاتتار مەن مينيسترلەردىڭ تب ارەكەتىنە نە دەيمىز؟!؟ بۇلار مەملەكەتتىڭ ۋاكىلدەرى عوي، رەسمي ادامدار عوي! بۇلاردىڭ اۋزىنان شىققان ءسوز بەلگىلى مولشەردە سول ەلدىڭ ءسوزى ىسپەتتى، سوندىقتان بۇعان بەيجاي قاراۋعا بولمايدى. بۇل، ءبىر جاعىنان، سوڭعى وتىز جىلدا جيرينوۆسكيگە سالماقتى جاۋاپ بەرىلمەۋىنىڭ سالدارى!

رەسەي مەن ارامىزدا قانشاما كەلىسىمشارت بار، كورشىلىك قۇقىق بار، قاتىناستارىمىز وتە كوپ، بايلانىستارىمىز باسقا ەشبىر ەلمەن بولماعانداي بيىك دارەجەدە. رەسمي ادامدار وسىنىڭ ءبارىن ەسكەرىپ، ساياسي ەتيكانى ساقتاپ سويلەۋى ءتيىس!

مەنىڭ ويىمشا وسى شابۋىلدارعا دەرەۋ توقتاۋ سالىنۋى ءتيىس. ول ءۇشىن پرەزيدەنت ق.ك. توقاەۆ پەن ەلباسى ن.ءا. نازارباەۆ رەسەي پرەزيدەنتى ۆ.ۆ. پۋتينمەن تىكەلەي سويلەسىپ، رەسمي حات جولداپ، توقتاتۋى ءتيىس، باسقاشا تۇبەگەيلى شەشۋ مۇمكىن ەمەس دەپ ويلايمىن. انشەيىندە اۋىزدىعا ءسوز بەرمەيتىن ءبىزدىڭ دەپۋتاتتار مەن ساياساتتانۋشىلاردىڭ قولىنان كەلمەيتىن نارسە بۇل...

پىكىرلەر