مەملەكەت باسشىسى قاسىم-جومارت توقاەۆ قازاقستان رەسپۋبليكاسىنىڭ كاسىپوداقتار كۇنىمەن قۇتتىقتاۋىندا «قازىرگى كاسىپوداقتاردىڭ قوزعالىستارى ەڭبەككەرلەردىڭ جۇمىس ورنىنداعى قۇقىقتارى مەن ەڭبەك قاۋىپسىزدىگىنىڭ ساقتالۋىن، لايىقتى ەڭبەكاقى مەن الەۋمەتتىك كەپىلدىكتەر الۋىن قامتاماسىز ەتەدى. كاسىپوداق ۇيىمىنىڭ جەتەكشىلەرى مەن جۇمىسشىلارى، قوزعالىس بەلسەندىلەرى وزدەرىنىڭ ۋاقىتتارى مەن كۇش-جىگەرىن ەڭبەك ادامىنىڭ قۇقىعىنىڭ ساقتالۋىنا جۇمساپ جۇرگەن قايراتكەرلەر.
سىزدەردىڭ بەلسەندى ومىرلىك ۇستانىمدارىڭىز بەن ۇيىمداستىرۋشىلىق قابىلەتتەرىڭىز، شىعارماشىلىق كۇش-قۋاتتارىڭىز وتانداستارىڭىزدىڭ ءومىر ساپاسىن ارتتىرۋعا باعىتتالعان. ءبىزدىڭ ەلىمىزدىڭ كاسىپوداقتارى ەڭبەككەرلەرگە لايىقتى قۇرمەت كورسەتىلەتىن جالپىعا ورتاق ەڭبەك قوعامىن قۇرۋعا ىقپال ەتۋدە» دەپ اتاپ كورسەتكەنى بەلگىلى.
سوندىقتان دا ءوز جۇمىسىندا جۇمىس بەرۋشى مەن جۇمىسكەرلەر اراسىنداعى ەڭبەك قارىم-قاتىناستارىن رەتتەيتىن قازاقستان رەسپۋبليكاسىنىڭ ەڭبەك كودەكسى، «كاسىبي وداقتار تۋرالى» قازاقستان رەسپۋبليكاسىنىڭ زاڭى جانە ەلىمىزدەگى باسقا دا ءنورماتيۆتى زاڭدىق اكتىلەرى نەگىزىندە جاسالعان ۇجىمدىق شارتتى باسشىلىققا الاتىن كاسىپوداقتىڭ باستى قىزمەتى – جۇمىس ىستەۋشى ازاماتتاردىڭ الەۋمەتتىك-ەڭبەك قۇقىقتارىن جانە كاسىپتىك قىزىعۋشىلىقتارىن قورعاۋ بولىپ تابىلادى.
ەلىمىزدەگى وزگە كاسىپوداق ۇيىمدارىنا قاراعاندا ءبىلىم سالاسى قىزمەتكەرلەرىنىڭ كاسىپوداعىنىڭ جۇمىسى اناعۇرلىم بەلسەندىلىگىمەن دارالانادى. بۇل كاسىپوداق جۇمىسىنا دەگەن سەنىمنىڭ نىق بولۋىنان دا بولار،ءسىرا. ەلىمىزدىڭ بولاشاعىن سەنىپ تاپسىرار جاستارعا ءتالىم-تاربيە بەرىپ، ءبىلىم ءنارىن ەگىپ وتىرعان ۇستازدار قاۋىمىن ۇنەمى ءوز دارەجەسىندە قورعاپ، قولداۋ كورسەتىپ، ۇستازدار جۇرەگىنەن جىلى ورىن الىپ وتىرعان كاسىپوداققا نەگە سەنبەسكە؟!
ىلعي دا جاڭا سەرپىن، سونى جاڭالىقتاردىڭ ،يگى ىستەردىڭ باستاماشىسى بولىپ وتىراتىن ۇيىمنىڭ ءبىرى – ە.م.ساتەرشينوۆ توراعالىق ەتەتىن قىزىلوردا وبلىسىنداعى جاڭاقورعان اۋدانى ءبىلىم سالاسى قىزمەتكەرلەرىنىڭ كاسىپوداق ۇيىمى.
كاسىپوداقتىڭ نەگىزگى تىنىس-تىرشىلىگىنىڭ ەڭ الدىڭعى شەبى ەڭبەك ۇجىمدارىندا، باستاۋىش كاسىپوداق ۇيىمدارىندا ەكەندىگى بارشاعا ءمالىم. كەز كەلگەن كاسىپتىك وداقتىڭ كۇش-قۋاتى ونىڭ باستاۋىش ۇيىمدارىنىڭ قانداي بولۋىنا، ولاردىڭ ءاربىر ەڭبەكشىنىڭ قۇقىقتارى مەن مۇددەلەرىن ءتيىمدى دە بەلسەندى تۇردە قورعالۋىن قامتاماسىز ەتۋىنە تىكەلەي بايلانىستى. باستاۋىش كاسىپوداق ۇيىمدارىنىڭ ءرولى مەن بەدەلىن، ولاردىڭ قىزمەت تيىمدىلىگىن ارتتىرۋ ماسەلەلەرى ەرەكشە ماڭىزدى ەكەنى كۇن تارتىبىنەن تۇسپەۋى ءتيىس. قازىرگى تاڭدا سىر وڭىرىندەگى جاڭاقورعان اۋداندىق كاسىپوداق ۇيىمى قۇرامىندا 80 باستاۋىش كاسىپوداق ۇيىمى-42 مەكتەپ، 6 مەكتەپتەن تىس مەكەمە، 31 بالاباقشا بار جانە ولاردا 5294 مۇشە بار.
جاڭاشىل يدەيالارىمەن ارقاشان دا كوپشىلىكتى ەلەڭ ەتكىزىپ، كوكەيىنەن شىعىپ وتىراتىن كاسىپوداق ۇيىمى بيىلعى ەلىمىز ءۇشىن اۋىر بولعان پاندەميا كەزىندە، كارانتين كەزدەرىندە دە ۇستازدار قاۋىمىن ۇنەمى قولداۋ ۇستىندە بولدى.ونى مىنا ءبىر دايەك ەتەر تسيفرلارىمىز دا دالەلدەي تۇسكەندەي. ناۋرىز ايىندا قىزىلوردا وبلىسى بويىنشا ءبىرىنشى بولىپ تىڭ باستاما كوتەرىپ، «ناۋرىز جىلۋى» اكتسياسى اياسىندا از قامتاماسىز ەتىلگەن 60 وتباسىن ازىق-تۇلىكپەن قامتاماسىز ەتسە، ءساۋىر ايىندا «ءبىز بىرگەمىز» اكتسياسى اياسىندا الەۋمەتتىك قولداۋدى قاجەت ەتەتىن تاعى دا 100 وتباسىن ازىق-تۇلىكپەن قامتىدى، وقۋشى بالالارىنا 48 نوۋتبۋك تابىس ەتىلدى. كورونوۆيرۋس جۇقتىرعان 28 ناۋقاسقا اقشالاي كومەك كورسەتىلدى. ءۇيى ءتىلسىز ءورت قۇشاعىنا ورانعان ءبىر مۇعالىمگە 200000 مىڭ قارجىلاي كومەك كورسەتىلدى.
«مەكتەپكە جول» اكتسياسى اياسىندا تاعى دا كوپ بالالى ۇستازدار وتباسىلارىنان 68 وقۋشىعا «WiFi-Router»، 23 بالاعا قىستىق سىرت كيىم مەن وقۋ-قۇرالدارى تابىستالدى. بۇل وتباسىلاردىڭ قۋانىشى شەكسىز، ارينە.
ەڭبەك ەتكەن ادامنىڭ ارقاشان ەڭسەسى تىك، تاپقان نانى ادال ەكەندىگى بەلگىلى. ياعني، ەڭبەك ادامدى مۇراتقا جەتكىزەدى، تەك ەڭبەك ەتكەن ادام عانا ونىڭ شىن مانىندەگى جەمىسىن كورەتىنى انىق. ۇستازدار ەڭبەگىن ەلەپ، ەسكەرۋسىز قالدىرمايتىن كاسىپوداق ۇيىمى تاراپىنان 8-ناۋرىز مەرەكەسى قارساڭىندا 15, تامىز ءماسليحاتىندا-10, ۇستازدار مەرەكەسى قارساڭىندا-15 ۇستاز كاسىپوداق تاراپىنان باعالى سىيلىقتارمەن ماراپاتتالدى. بۇل ماراپات، ۇلىقتاۋلاردان ارداگەر ۇستازدار دا تىس قالعان ەمەس.
ۇستازدار قاۋىمىنىڭ قۇقىقتارى مەن مۇددەلەرىن قورعاۋمەن قاتار، كاسىپوداق مۇشەلەرى مەن ولاردىڭ وتباسى مۇشەلەرىن ساۋىقتىرۋ، الەۋمەتتىك-مادەني جانە سپورتتىق ءىس-شارالار وتكىزۋ، جۇمىس ورىندارىنداعى ەڭبەك زاڭدىلىعىنىڭ ساقتالۋىن قاداعالاۋ، ەڭبەكتى قورعاۋ مەن تەحنيكا قاۋىپسىزدىگىن قامتاماسىز ەتۋدىڭ ناقتى شارالارى دا ۇنەمى ىسكە اسىرىلىپ كەلەدى. بيىلعى جىلدىڭ وزىندە 61 مۇعالىم 40 پايىز جەڭىلدىكپەن، 9 ارداگەر 50 پايىز جەڭىلدىكپەن «التىن قارعالى»، «جۇمباقتاس»، «مانكەنت»، «مەركە»، «بىركولىك»، «سارىاعاش» شيپاجايلارىندا دەمالسا، 2019-2020 وقۋ جىلىنداعى «التىن بەلگى» يەگەرلەرىنىڭ 40 العاشقى ۇستازى تۇركىستان وبلىسى لەنگەر قالاسىنداعى «بىركولىك» شيپاجايىندا تەگىن دەمالىپ قايتتى. بيىك بەلەستەردى باعىندىرىپ، اسقاق ابىرويعا بولەنگەن ۇلاعاتتى ۇستازداردىڭ ەرەن ەڭبەكتەرى لايىقتى باعالانىپ، ءتيىستى ماراپاتتاردىڭ تابىستالۋى زاڭدى دا.
كاسىپوداق نازارىنان جاستارمەن جۇمىس تا تىس قالعان ەمەس. كاسىپوداق ۇيىمى جانىنا قۇرىلعان 20 جاس ۇستازدان تۇراتىن «جاڭا تولقىن» جاستار ۇيىمى دا ۇنەمى سونى باستامالارىمەن كوزگە ءتۇسىپ كەلەدى. جاقىندا عانا وبلىستىق كاسىپوداق ۇيىمى ۇيىمداستىرعان «ۇزدىك جاستار كەڭەسى» بايقاۋىندا «جاڭا تولقىندىقتار» تىڭ يدەيالارىمەن كوزگە ءتۇسىپ، كوپشىلىك قۇرمەتىنە بولەنىپ، «ۇشقىر ويدىڭ جەبەلەرى» نوميناتسياسىنا يە بولدى.
وسىنداي ادىمدى قادامدارمەن العا قارىشتاعان اۋداندىق كاسىپوداق ۇيىمىنىڭ جۇمىسىنا تىلەرىمىز تەك قانا ساتتىلىك تىلەيمىز!
ايسۇلۋ پازىلوۆا، №11 «بالاۋسا» بوبەكجاي-باقشاسى باستاۋىش كاسىپوداق ۇيىمىنىڭ ءتورايىمى.
جاڭاقورعان اۋدانى،
قىزىلوردا وبلىسى
