سەلجۇق بايراقتاردىڭ "Bayraktar Akıncı" كومپانياسى جايىنداعى دەرەكتى ءفيلمدى كورىپ وتىرمىن. تومەندە سان مىڭ ادامدار پىكىرىن جازىپ، سەلجۇققا "سەن تۇركياعا قۇدايدىڭ جىبەرگەن ادامىسىڭ", "قۇدايدىڭ العىسىن العان ادامسىڭ", "سەن ۇلى تۇركيانىڭ قورعاۋشىسىسىڭ" دەپ پىكىر جازىپ جاتقاندارىن وقىپ، تۇتاس دەنەم بۇلقىنىپ، شابىتتانىپ كەتتىم. ءبىر جاعىنان ءوزىمىزدىڭ جاعدايعا قاراپ، باسىم جەرگە قارادى. دەرەكتى فيلمدە بايراقتاردىڭ كومپانياسىندا جۇمىس جاساپ جاتقان بارلىق ينجەنەر كونسترۋكتورلاردىڭ ىمىرامەن، بىرلىكپەن، تاتۋلىقپەن تاماشا ارىپتەستىك ورناتىپ، جۇمىس جاساپ جاتقانى كورسەتىلىپتى. بارلىق جۇمىس تارتىپپەن، گرافيك بويىنشا جۇرەدى.
ءار ينجەنەر كونسترۋكتوردىڭ ءوزىنىڭ مىندەتى بار. قاراپ وتىرساڭ، ناعىز ۇلتتىق، مەملەكەتتىك يدەولوگيا. عىلىم مەن تەحنولوگيانىڭ يدەولوگياسى. مەملەكەت بولاتىن، ەل بولاتىن ەلدىڭ تىرلىگى وسى ەكەن. عىلىم مەن بىلىمگە قۇمارلىق ەكەن. وسى كورىنىسكە قاراپ وتىرىپ، ءبىزدىڭ ەلدە دە وسىنداي ءبىر تولقىننىڭ الەۋەتى كورىنسە ەكەن، تولقىنعا ىلەسىپ كەتسەك ەكەن دەپ ارماندادىم. ءوزىڭىز ويلاپ كوزىڭىز، ءدال وسىنداي تەحنولوگيالىق يندۋستريا ىسكە قوسىلىپ، تۇتاس قازاقياعا يدەولوگيا بولىپ ناسيحاتتالىپ جاتىر. قانداي سەزىمدە بولار ەدىڭىز... ايتىپ جەتكىزۋ مۇمكىن ەمەس قوي. ءبىر بىرىمىزگە جاناشىر، باۋىرمال بولماي، مىناۋ بيىككە جەتە المايمىز، باۋىرلار. بەس التى تيىن ءۇشىن ءبىر ءبىرىمىزدى ساتىپ كەتىپ جۇرگەن بىزدەرگە بۇل بيىككە شىعۋ قاشان بۇيىرار ەكەن... ءبىز دە وسى بيىككە ۇمتىلايىق، قازاقتار! ارۋاقتان دا، ۋاقىتتان دا ۇيات بولىپ بارادى.
"ەگەر دە ەلىڭ تىنىش بولسىن دەگەن نيەتىڭ بولسا، سوعىس بولماسىن دەگەن نيەتىڭ بولسا، وندا ارقاشان سوعىسقا دايىن وتىر" دەگەن ادامزات جاراتىلعانى جالعاسىپ كەلە جاتقان ۇلى قاعيدانى ۇمىتپاۋ كەرەك. بەيبىت ەلمىز، قارۋسىز ەلمىز دەگەن قىرتقان ءسوز. ءبىر كۇندە تاعدىرىڭدى شەشەدى قولىندا قارۋى بار دۇشپاندارىڭ. شۇكىرىڭ ساعان ول كەزدە كومەكتەسپەيدى.
