Seljuq Baıraqtardyń "Bayraktar Akıncı" kompanııasy jaıyndaǵy derekti fılmdi kórip otyrmyn. Tómende san myń adamdar pikirin jazyp, Seljuqqa "Sen Túrkııaǵa Qudaıdyń jibergen adamysyń", "Qudaıdyń alǵysyn alǵan adamsyń", "Sen Uly Túrkııanyń qorǵaýshysysyń" dep pikir jazyp jatqandaryn oqyp, tutas denem bulqynyp, shabyttanyp kettim. Bir jaǵynan ózimizdiń jaǵdaıǵa qarap, basym jerge qarady. Derekti fılmde Baıraqtardyń kompanııasynda jumys jasap jatqan barlyq ınjener konstrýktorlardyń ymyramen, birlikpen, tatýlyqpen tamasha áriptestik ornatyp, jumys jasap jatqany kórsetilipti. Barlyq jumys tártippen, grafık boıynsha júredi.
Ár ınjener konstrýktordyń óziniń mindeti bar. Qarap otyrsań, naǵyz ulttyq, memlekettik ıdeologııa. Ǵylym men tehnologııanyń ıdeologııasy. Memleket bolatyn, el bolatyn eldiń tirligi osy eken. Ǵylym men bilimge qumarlyq eken. Osy kóriniske qarap otyryp, bizdiń elde de osyndaı bir tolqynnyń áleýeti kórinse eken, tolqynǵa ilesip ketsek eken dep armandadym. Ózińiz oılap kózińiz, dál osyndaı tehnologııalyq ındýstrııa iske qosylyp, tutas Qazaqııaǵa ıdeologııa bolyp nasıhattalyp jatyr. Qandaı sezimde bolar edińiz... Aıtyp jetkizý múmkin emes qoı. Bir birimizge janashyr, baýyrmal bolmaı, mynaý bıikke jete almaımyz, baýyrlar. Bes alty tıyn úshin bir birimizdi satyp ketip júrgen bizderge bul bıikke shyǵý qashan buıyrar eken... Biz de osy bıikke umtylaıyq, Qazaqtar! Árýaqtan da, ýaqyttan da uıat bolyp barady.
"Eger de eliń tynysh bolsyn degen nıetiń bolsa, soǵys bolmasyn degen nıetiń bolsa, onda árqashan soǵysqa daıyn otyr" degen adamzat jaratylǵany jalǵasyp kele jatqan uly qaǵıdany umytpaý kerek. Beıbit elmiz, qarýsyz elmiz degen qyrtqan sóz. Bir kúnde taǵdyryńdy sheshedi qolynda qarýy bar dushpandaryń. Shúkiriń saǵan ol kezde kómektespeıdi.
