اكەسى ايشانى سەگىز جاسىندا بولاشاق كۇيەۋىمەن اتاستىرعان. وسىلايشا ءوزارا جانجالداسقان ەكى اۋلەت بىتىمگە كەلىپ، قۇدانداسقان بولاتىن. ۇلكەندەر شەشىمىمەن ايشا ۋرازگان پروۆينتسياسىنا ۇزاتىلادى. ۇيلەنۋ تويى دەيىن بولاشاق كۇيەۋىنىڭ وتباسىمەن ەكى جىل بىرگە تۇرعان. كۇيەۋى 10 اعايىندى ۇلكەن اۋلەت بولاتىن.
ەجەلگى دۇشپان ەل بولماس دەدى مە ەكەن بەلگىسىز، ايتەۋىر ايشانى قايىن جۇرتى ونشا جاراتپادى. شىناشاقتاي قىزدى وتىرسا وپاق، تۇرسا سوپاق قىلۋمەن بولدى. ايشانى ەرىنبەگەنىڭ ءبارى اياۋسىز سوققىلايتىن. وسىنشا ازاپتاۋعا توزبەگەن ايشا ءبىر كۇنى قاشۋعا بەل بۋدى. بىراق بۇل ويى ءساتسىز اياقتالىپ، قۋعىنشىلاردىڭ قولىنا تۇسەدى.
مۇنداي قىلمىسى ءۇشىن قاشقىن قىز قانداعارداعى ايەلدەر تۇرمەسىنە ءۇش جىلعا قامالاتىن ەدى. ايشانى قايىن جۇرتى التى ايدان كەيىن اكەسىنە اكەلىپ تابىستايدى. قاتىگەز اكە باقىتسىز قىزىنا جانى اشۋدىڭ ورنىنا، اۋلەت ابىرويىن ايرانداي توكتى دەپ كۇيەۋ بالاسىنا جازالاۋعا ەرىك بەرەدى.
جەرگىلىكتى سوت ايشانىڭ مۇرنى مەن قۇلاعىن كەسۋ ارقىلى جازالاۋدى ۇيعارادى. كۇيەۋى قىزدى باۋىرلارىنىڭ ءبىرىنىڭ كومەگىمەن تاۋعا الىپ بارىپ، ءوزىنىڭ قورقىنىشتى جوسپارىن جۇزەگە اسىرادى. باۋىرى ءجاسوسپىرىمدى تىرپ ەتكىزبەي ۇستاپ، كۇيەۋى قىزدىڭ تاناۋىن كەسىپ تاستايدى. قانسىراعان قىز ەسىنەن اۋىپ، سول جەردە قيمىلسىز قالادى. ولەدىگە ساناپ كۇيەۋى باۋىرمەن بىرگە جونىنە كەتەدى.
بىراق بەيشارا قىزدىڭ كورەر جارىعى بار ەكەن. تاۋ باسىندا قانعا بوگىپ جاتقان ونى امەريكاندىق سولداتتار تاۋىپ الادى. ۇزاق ۋاقىت بويى ايشانىڭ قۇجاتتارى بولماعاندىقتان ونى شتاتتارعا اپارۋ مۇمكىن بولمايدى. ءجاسوسپىرىمدى اسكەريلەر كابۋلدا جاسىرىن جەردە ۇستايدى. تامىز ايىندا عانا ايشانىڭ قۇجاتتارى رەتتەلىپ، امەريكاعا جەتكىزىلگەن.
***
بويجەتكەنگە ەشقانداي پلاستيكالىق وتا جاسالىنباعان. كەشە ول لوس-اندجەلەستە جاڭا جۇزىمەن كوپشىلىك الدىنا شىقتى.
***
P.S.: بۇل اقش مەديتسيناسىنىڭ دامۋىنىڭ تاڭعاجايىپ كورسەتكىشىنە تاڭقالماسقا شارا جوق. بولاشاقتا قازاقستاندا دا وسىنداي دامىعان مەديتسينا بولارىنا سەنەيىك. مينيستر كيم جىنىس اۋىستىرۋدان باستاعالى جاتىر عوي. ورىس تىلىنەن اۋدارعان: ايبار ابايۇلى.
بەكبولات قارجاننىڭ Facebook پاراقشاسىنان.
فوتو اشىق دەرەككوزدەن الىندى.
