«اق جولدىڭ» ۇگىت-ناسيحات توبى الماتى كاسىپورىندارىندا كەزدەسۋلەر وتكىزۋدە

2070
Adyrna.kz Telegram

«اق جول» ۇگىت-ناسيحات توبى الماتى كاسىپورىندارىندا كەزدەسۋلەر وتكىزۋدە. ۇگىت-ناسيحات ناۋقانى اياسىندا پارلامەنت ءماجىلىسىنىڭ دەپۋتاتتىعىنا ۇمىتكەر «اق جول» پارتياسىنىڭ وكىلدەرى الكوگولسىز سۋسىندار وندىرەتىن «Libella Bottlers Almaty» زاۋىتىنىڭ جۇمىسشىلارىمەن كەزدەستى. ءوندىرىس ءوز جۇمىسىن 1998 جىلدان باستاپ جۇرگىزەدى. وسى ۋاقىت ىشىندە كومپانيا بىرنەشە بەدەلدى سىيلىقتارعا يە بولدى، ونىڭ ىشىندە 2002 جىلدان 2007 جىلعا دەيىن «جىل تاڭداۋى» ماراپاتى بار.

«مۇنداي كاسىپورىنداردى، ەڭ الدىمەن، ءبىزدىڭ مەملەكەت، ءبىزدىڭ ۇكىمەت قولداپ، ولاردىڭ نىعايۋى، دامۋى، جاڭا جۇمىس ورىندارىن قۇرۋى ءۇشىن جاعداي جاساۋى ءتيىس»، - دەپ ەسەپتەيدى پارتيا توراعاسىنىڭ ورىنباسارى، ءماجىلىس دەپۋتاتتىعىنا كانديدات       دميتري ۆاسيلەۆ.

زاۋىتتىڭ 200 قىزمەتكەرى جىلىنا 60 ميلليون ليتر سۋسىن شىعارادى. كەزدەسۋ بارىسىندا ولار مەملەكەت تاراپىنان بيزنەستى قولداۋ قاجەتتىلىگىنە كەلىستى. سونداي-اق، «اق جول» ساياساتى كاسىپورىنداردىڭ ەكونوميكالىق جاعدايىن جاقسارتۋ جانە جۇمىسشى كادرلاردىڭ جاپپاي شەتەلگە كەتۋ جاعدايىن بولدىرماۋ بويىنشا ءوز ۇسىنىستارىن ايتتى.

«بۇل كاسىپورىن بيىل ءبىر جارىم ميلليارد تەڭگە سالىق تولەدى. بۇل ءبىزدىڭ ەكونوميكامىزعا وتە لايىقتى ۇلەس، بىراق پاندەميا كەزىندە ولار لوكداۋن مەن بلوكپوستتار ەنگىزگەن كەزدە جۇمىسشىلارىنان ايىرىلدى، سەبەبى ولاردىڭ جۇمىسشىلارىنىڭ ۇلكەن بولىگى قالا ماڭىندا، اۋدانداردا تۇرادى. ولار جۇمىسقا كەلە المادى جانە كاسىپورىن ءوز قىزمەتكەرلەرىنسىز قالدى، وسىعان بايلانىستى بەلگىلى ءبىر شىعىندارعا ۇشىرادى»، - دەپ اتاپ ءوتتى ازات پەرۋاشەۆ. ول «اق جول» پارتياسى مەن ونىڭ پارلامەنتتىك فراكتسياسى بيزنەستى قولداۋ بويىنشا، ونىڭ ىشىندە پاندەميا كەزەڭىندە دە ۇنەمى باستامالار مەن ۇسىنىستار جاساپ وتىراتىنىن اتاپ ءوتتى.

جوعارىداعى شارا مەن قاتار «اقجولدىقتار» قازاقستان مەن ورتالىق ازيا نارىعىنا ماي ونىمدەرىن شىعاراتىن جانە جەتكىزەتىن الماتى مارگارين زاۋىتىنا دا باردى.

ۇگىت-ناسيحات توبى كاسىپورىن قىزمەتكەرلەرىن «اق جولدىڭ» سايلاۋالدى باعدارلاماسىمەن تانىستىردى، پارتيا مەن پارلامەنتتىك فراكتسيانىڭ جۇمىسى تۋرالى ءسوز قوزعادى.

«اق جول» كانديداتتارى سۇراقتارعا جاۋاپ بەرىپ، سايلاۋشىلاردىڭ شاعىمدارىن تىڭدادى.

ماقالانىڭ اقىسى "اق جول" دەموكراتيالىق

پارتياسى سايلاۋ قورىنىڭ قاراجاتىنان تولەندى.

پىكىرلەر