«Aq jol» úgit-nasıhat toby Almaty kásiporyndarynda kezdesýler ótkizýde. Úgit-nasıhat naýqany aıasynda Parlament Májilisiniń depýtattyǵyna úmitker «Aq jol» partııasynyń ókilderi alkogolsiz sýsyndar óndiretin «Libella Bottlers Almaty» zaýytynyń jumysshylarymen kezdesti. Óndiris óz jumysyn 1998 jyldan bastap júrgizedi. Osy ýaqyt ishinde kompanııa birneshe bedeldi syılyqtarǵa ıe boldy, onyń ishinde 2002 jyldan 2007 jylǵa deıin «Jyl tańdaýy» marapaty bar.
«Mundaı kásiporyndardy, eń aldymen, bizdiń memleket, bizdiń Úkimet qoldap, olardyń nyǵaıýy, damýy, jańa jumys oryndaryn qurýy úshin jaǵdaı jasaýy tıis», - dep esepteıdi partııa tóraǵasynyń orynbasary, Májilis depýtattyǵyna kandıdat Dmıtrıı Vasılev.
Zaýyttyń 200 qyzmetkeri jylyna 60 mıllıon lıtr sýsyn shyǵarady. Kezdesý barysynda olar memleket tarapynan bıznesti qoldaý qajettiligine kelisti. Sondaı-aq, «Aq jol» saıasaty kásiporyndardyń ekonomıkalyq jaǵdaıyn jaqsartý jáne jumysshy kadrlardyń jappaı shetelge ketý jaǵdaıyn boldyrmaý boıynsha óz usynystaryn aıtty.
«Bul kásiporyn bıyl bir jarym mıllıard teńge salyq tóledi. Bul bizdiń ekonomıkamyzǵa óte laıyqty úles, biraq pandemııa kezinde olar lokdaýn men blokposttar engizgen kezde jumysshylarynan aıyryldy, sebebi olardyń jumysshylarynyń úlken bóligi qala mańynda, aýdandarda turady. Olar jumysqa kele almady jáne kásiporyn óz qyzmetkerlerinsiz qaldy, osyǵan baılanysty belgili bir shyǵyndarǵa ushyrady», - dep atap ótti Azat Perýashev. Ol «Aq jol» partııasy men onyń parlamenttik frakııasy bıznesti qoldaý boıynsha, onyń ishinde pandemııa kezeńinde de únemi bastamalar men usynystar jasap otyratynyn atap ótti.
Joǵarydaǵy shara men qatar «aqjoldyqtar» Qazaqstan men Ortalyq Azııa naryǵyna maı ónimderin shyǵaratyn jáne jetkizetin Almaty margarın zaýytyna da bardy.
Úgit-nasıhat toby kásiporyn qyzmetkerlerin «Aq joldyń» saılaýaldy baǵdarlamasymen tanystyrdy, partııa men parlamenttik frakııanyń jumysy týraly sóz qozǵady.
«Aq jol» kandıdattary suraqtarǵa jaýap berip, saılaýshylardyń shaǵymdaryn tyńdady.
Maqalanyń aqysy "Aq jol" demokratııalyq
partııasy saılaý qorynyń qarajatynan tólendi.
