تاياۋدا عانا ۇستالعان اقتوبە وبلىسى ءماسليحاتىنىڭ دەپۋتاتى اركادي ني ءىسى توڭىرەگىندە ءتۇرلى اقپارات تاراپ جاتىر. دەپۋتاتتىڭ قانداي ايىپپەن ۇستالعانىن ازىرگە قۇزىرلى ورگان وكىلدەرى حابارلاماي وتىر. دەسەك تە، NurOtan پارتياسىنىڭ اقتوبە وبلىستىق فيليالى ساياسي كەڭەس بيۋروسى اركادي ني پارتيا قاتارىنان شىعارىلعانىن مالىمدەدى دەپ حابارلايدى «ادىرنا» ۇلتتىق پورتالى بىرنەشە اقپارات كوزدەرىنە سىلتەمە جاساپ.
بۇرىنعى دەپۋتات اركادي ءنيدىڭ ىسىندە جاۋابى جوق سۇراق وتە كوپ. اركادي ني وڭىردە تانىمال كىسى دەپ جازادى zakon.kz. اقپاراتتىق سايتتىڭ مالىمەتىنشە، ني تەك ساياسي عانا ەمەس، قايىرىمدىلىقپەن دە بەلسەنە اينالىساتىن تۇلعا كورىنەدى. الايدا اقتوبەلىك دەپۋتاتتىڭ مۇنشا جاقسى اتىن ءبىر عانا «15 جاسار قىزدىڭ قىزدىعىن 1 ملن تەڭگەگە ساتىپ الۋ» تۋرالى اقپارات ايمانداي ەتكەن سياقتى. zakon.kz. دەپۋتاتتى اقتاپ الۋدىڭ بارلىق تەتىكتەرىن قوسقان بولسا كەرەك، ايتەۋىر ءنيدىڭ بۇگىنگە دەيىن اتقارعان ءتۇرلى جاقسى ىستەرىن بارىنشا تىزۋگە تىرىسىپتى. راسىمەن، دەپۋتات ني ساياساتتا سالماعى باسىم تۇلعا بولعان دا شىعار. شىنىندا دا تالاي قينالعان ادامدارعا قول ۇشىن سوزىپ، كومەكتەسكەن دە بولار. الايدا «15 جاسار قىزدىڭ پاكتىگىن 1 ملن تەڭگەگە ساتىپ الۋ» تۋرالى اقپارات قايدان شىقتى؟ ەگەر اركادي ءنيدىڭ ەشقانداي 15 جاسار قىزبەن شاتىسى بولماسا،وندا ونى قانداي ايىپپەن ۇستادى، نە سەبەپتى ءتىپتى پارتيا قاتارىنان دا شىعارىپ جىبەردى؟ كۇماندى سۇراق كوپ. رەسمي ورگان تاراپىنان ناقتى مالىمەتتىڭ بەرىلمەي وتىرۋى نەنى بىلدىرەدى؟ الدە راسىمەن دە، ەكس دەپۋتاتتىڭ اتىنا الەۋمەتتىك جەلىدە بارىنشا كۇيە جاعا ءتۇسۋدى كوزدەگەندەر بار ما؟
ءدال قازىرگى كەزدە اركادي ني قىلمىستىق پروتسەسسۋالدىق كودەكستىڭ 128 بابى بويىنشا ۋاقىتشا تەرگەۋ اباقتىسىندا جاتىر دەپ جازادى Sputnik قازاقستان پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
فوتو اشىق دەرەككوزدەن الىندى.
