بۇل تۋرالى نۇر-سۇلتان قالاسىنىڭ اكىمى التاي كولگىنوۆ قر پرەزيدەنتى جانىنداعى وكق-دا وتكەن مەملەكەت باسشىسىنىڭ جولداۋى اياسىنداعى ءوڭىردىڭ دامۋى تۋرالى ءباسپاسوز كونفەرەنتسياسىندا ايتتى دەپ حابارلايدى «ادىرنا» ۇلتتىق پورتالى Baq.kz سايتىنا سىلتەمە جاساپ.
بالالار مەن قالا تۇرعىندارى مەرەكەلىك كوڭىل-كۇي سەزىنگىسى كەلەدى. جارىقتىڭ بارلىعىن ءوشىرىپ، وتىرمايمىز عوي. جاعداي جاساۋ كەرەك. بۇرىنعىعا قاراعاندا كوپ قاراجات قىسقارتىلدى. ونى ءبىز جاسىرمايمىز. ساياباقتار مەن قوعامدىق ورىنداردا تۇرعىندار دەمالعىسى كەلەدى. ول قاراجات تۇرادى، ونى جاسىرۋدىڭ قاجەتى جوق، - دەدى ول.
كولگىنوۆ تاۋەلسىزدىك كۇنى وتكەن سوڭ قالا شىرشالارى اكىمدىك تاراپىنان بەزەندىرىلەتىنىن ايتتى.
ەشقانداي شىرشانى جاڭادان ساتىپ المايمىز. سەبەبى بۇرىنعى شىرشالار بىزدە ساقتالعان. ەلوردا بولعان سوڭ ۇلكەن مەكەمەلەر مەن ساۋدا ورتالىقتارى بار. جەكە كاسىپكەرلەرگە دە ايتىپ جاتىرمىز. ەگەر سونداي مۇمكىندىكتەرى بولسا، جاساسىن، - دەدى كولگىنوۆ.
فوتو اشىق دەرەككوزدەن الىندى.
