بۇل تۋرالى نۇر-سۇلتان قالاسىنىڭ اكىمى التاي كولگىنوۆ قر پرەزيدەنتى جانىنداعى وكق-دا وتكەن مەملەكەت باسشىسىنىڭ جولداۋى اياسىنداعى ءوڭىردىڭ دامۋى تۋرالى ءباسپاسوز كونفەرەنتسياسىندا ايتتى دەپ حابارلايدى «ادىرنا» ۇلتتىق پورتالى Baq.kz سايتىنا سىلتەمە جاساپ.
پاندەميا اياسىندا ءبىز ءبىراز قاراجاتتى قىسقارتتىق. كوپتەگەن ءىس-شارا قىسقارتىلدى. مادەني شارالار ونلاينعا كوشتى. اتالعانداي، قالا بيۋدجەتى 43 ملرد تەڭگەگە دەيىن وڭتايلاندىرىلدى. قازىر بالالار قاشىقتان ءبىلىم الىپ جاتىر. قىس مەزگىلىندە بالالار ويناعىسى كەلەدى. ساياباقتار بار، باسقا دا قوعامدىق كەڭىستىكتەردە جاعداي جاسالۋى كەرەك. ول دا اقشا تۇرادى. مويىنداۋ كەرەك. ءبىز ينۆەستورلاردى تارتىپ، حالىقتىڭ كوپ شوعىرلاناتىن جەرىنە ءوز قاراجاتىڭىزعا بالالارعا وينايتىن الاڭ جاساڭىز دەپ ايتامىز. ال ينۆەستورلار سالمايتىن بولسا، قالا تۇرعىندارىنىڭ سۇرانىسى بار. وندايعا ءبىز مەملەكەتتىك بيۋدجەتتەن سالىپ بەرەمىز. سەبەبى تۇرعىندار جىلداعىعا ۇيرەنىپ قالعان، - دەدى ول.
كولگىنوۆ قالانىڭ بەزەندىرىلۋى مەن مۇز قالاشىققا قانشا قارجى بولىنگەنىن ايتپادى.
ءار اۋداننىڭ ءوز شىعىنى بار. قازىر ول تۋرالى ناقتى ايتا المايمىن. قوسىمشا جاۋاپ بەرەمىز، - دەدى ول.
ايتا كەتەيىك، الەۋمەتتىك جەلىدە ەلورداداعى مۇز قالاشىقتىڭ قۇرىلىسىنا 80 ملن تەڭگە ءبولىندى دەگەن اقپارات تاراعان ەدى.
فوتو اشىق دەرەككوزدەن الىندى.
