قۇرىلتاي سايلاۋىنا قاتىسىپ جاتقان «ادىلەت» پارتياسىنىڭ «ادىلەتتى بولاشاق ءۇشىن» سايلاۋالدى باعدارلاماسىنىڭ جەكە ءبىر بلوگى تسيفرلى ترانسفورماتسياعا ارنالعان. ودان باسقا، پارتيانىڭ قۇرىلتاي دەپۋتاتتىعىنا ۇسىنعان كانديداتتارى اراسىندا IT-ماماندار مەن جاڭا تەحنولوگيانى جوعارى دەڭگەيدە يگەرگەن تۇلعالار بار. سوندىقتان بولار، «ادىلەت» پارتياسى ءوزىن قازىردەن-اق «ەڭ تسيفرلى» پارتيا دەپ كورسەتىپ كەلەدى.
وسى رەتتە، دەپۋتاتتىققا كانديدات «ADAL ADAM» يۋتۋب-ارناسىنا سۇحبات بەرە وتىرىپ، «ادىلەت» نەگە ءوزىن «تسيفرلى پارتيا» رەتىندە كورسەتەتىنى جانە پارتيانىڭ وسى باعىتتاعى ساياساتى تۋرالى اڭگىمەلەپ بەردى.
«ادىلەت» ءوزىن تسيفرلىق پارتيا دەپ ايتۋى جاي ءسوز ەمەس. پارتيانى تىركەۋ كەزەڭىندە قول ونلاين جينالدى. ادامداردىڭ پارتياعا كىرۋ پروتسەسىن مەيلىنشە جەڭىلدەتتىك. پارتيا تىركەۋدەن وتكەننەن كەيىن مۇشەلەر دە، ولاردىڭ ۇسىنىسى دا ونلاين قابىلداندى. بولاشاقتا ءبىز پارتيا جۇمىسىنا جاساندى ينتەللەكت شەشىمدەرىن قوسامىز»، - دەيدى نۇربەك ءماتجاني
كانديداتتىڭ ايتۋىنشا، «ادىلەت» پارتياسى تىركەۋدەن وتكەننەن كەيىن مۇشەلەرىن ونلاين قابىلداپ، ولاردىڭ ۇسىنىسىن ونلاين تىركەگەن. ال بولاشاقتا پارتيا جۇمىسىنا جاساندى ينتەللەكت شەشىمدەرىن قوسپاق.
جالپى، ەڭ الدىمەن «پارتيانىڭ سايلاۋالدى باعلارلاماسىنىڭ ارتىقشىلىعى نەدە؟» دەگەن سۇراققا جاۋاپ بەرە كەلە ول پارتيا ادام الەۋەتىن دامىتۋ، ەنەرگەتيكا مەن ينفراقۇرىلىم، وڭىرلەر اراسىنداعى تەڭسىزدىكتى جويۋعا باسىمدىق بەرىپ وتىرعانىن اتاپ ءوتتى. سونداي-اق، پارتيانىڭ باستى باعىتى – قازاقستانداعى تسيفرلىق ساياساتتىڭ بولاشاعى تۋرالى پىكىر ءبىلدىرىپ، ناقتى مىسالدارمەن جاۋاپ بەردى.
نۇربەك ءماتجاني پرەزيدەنتتىڭ دە جاساندى ينتەللەكت، تسيفرلاندىرۋ ماسەلەسىن ءجيى ايتىپ، جەكە مينيسترلىكتىڭ قۇرىلۋى مەملەكەتتىڭ فوكۋسى قاي سالادا ەكەنىن انىق كورسەتەدى دەيدى.
«پارتيا رەتىندە ءبىز دە شەتتە قالا المايمىز. سوندىقتان، الدىمىزعا 5 ملن ادامدى وقىتۋ ماقساتىن قويىپ وتىرمىز. ءبىزدىڭ سايتىمىزدا وسى ماقساتتىڭ قالاي جۇزەگە اساتىنى جانە قانداي ناتيجە بەرەتىنى انىق جازىلعان. ونىڭ ىشىندە، ءبىز وڭىرلەرگە اسا نازار سالىپ وتىرمىز. اۋىلدارعا ينتەرنەت تارتۋ كورسەتكىشىن 97 پايىزعا جەتكىزگىمىز كەلەدى. بۇل جەردە نەگىزگى فوكۋس اۋىل تۇرعىندارىنا، وڭىرلەرگە جاسالعان»، - دەدى ول.
وسى ماسەلەگە قاتىستى ءسوزىن تۇيىندەگەن كانديدات الەمدە ەكى تەندەنتسيا قالىپتاسقانىن اتاپ ءوتتى.
«الەم جاپپاي جاساندى ينتەللەكت باعىتىنا بۇرىلىپ جاتىر. وسى ورايدا ەكى ۇستانىم پايدا بولدى. ءبىرى قولدايدى، ءبىرى ارتقا تارتادى دەپ ويلايدى. ءبىزدىڭ پارتيا ءبىرىنشى ۇستانىمدا. ەڭبەك نارىعىنا جاساندى ينتەللەكتىنى كىرىكتىرۋدى قولداپ، وعان قاراي بەيىمدەلۋ كەرەك دەپ ويلايمىز»، - دەدى ءماتجاني.
ەستەرىڭىزگە سالا كەتەيىك، جۋىردا «Qazaqstan» ۇلتتىق تەلەارناسىنداعى ءبىرىنشى ۇلتتىق تەلەدەبات كەزىندە «ادىلەت» پارتياسىنىڭ قۇرىلتاي دەپۋتاتتىعىنا كانديداتى رەنات بەكتۇروۆتا پارتيانىڭ تسيفرلى شەشىمدەرى تۋرالى تولىق ايتىپ بەرگەن ەدى.
ايتا كەتەيىك، كانديدات نۇربەك ءماتجاني مەن بەكجان الىمقۇلدىڭ «ADAL ADAM» يۋتۋب-ارناسىنا بەرگەن سۇحباتىنىڭ تولىق نۇسقاسىن مىنا سىلتەمەدەن كورە الاسىزدار.
https://adilet-partiyasy.kz/ru/about/program
دايىنداعان:
«ادىلەت» پارتياسىنىڭ ءباسپاسوز قىزمەتى.
«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
