ەڭبەك جانە حالىقتى الەۋمەتتىك قورعاۋ مينيسترلىگى 2021 جىلعا ارنالعان وندىرىستىك كۇنتىزبەنى جاريالادى, دەپ حابارلايدى «ادىرنا» ءتىلشىسى.
رەسمي سايتتا كورسەتىلگەن اقپاراتقا سۇيەنسەك، كەلەسى جىلى بەس كۇندىك جۇمىس ىستەيتىن قازاقستاندىقتار 120 كۇن، التى كۇندىك جۇمىس ىستەيتىندەر 68 كۇن دەمالاتىن بولادى.
2021 جىلعى جۇمىس ۋاقىتىنىڭ بالانسىن قۇرۋ كەزىندە زاڭنىڭ نورمالارىن ەسەپكە الا وتىرىپ، دەمالىس كۇندەرىنە (سەنبى، جەكسەنبى) سايكەس كەلەتىن مەرەكە كۇندەرى مەرەكەدەن كەيىنگى جۇمىس كۇنىنە اۋىستىرىلدى:
بەس كۇندىكتە:
2 قاڭتاردان 4 قاڭتارعا;
21 ناۋرىزدان 24 ناۋرىزعا;
1 مامىردان 3 مامىرعا;
9 مامىردان 10 مامىرعا.
التى كۇندىكتە:
21 ناۋرىزدان 24 ناۋرىزعا;
9 مامىردان 10 مامىرعا.
كودەكستىڭ 84-بابىنا سايكەس بەس كۇندىك جانە التى كۇندىك جۇمىس اپتاسىندا جەكسەنبى جالپى دەمالىس كۇنى بولىپ تابىلادى.
مۇسىلمان كۇنتىزبەسى بويىنشا اتاپ وتىلەتىن قۇربان ايتتىڭ ءبىرىنشى كۇنى، 7 قاڭتار - پراۆوسلاۆيەلىك روجدەستۆو دەمالىس كۇندەرى بولىپ تابىلادى. 2021 جىلى قۇربان ايتتىڭ ءبىرىنشى كۇنى 20 شىلدەگە تۋرا كەلەدى.
قازاقستان رەسپۋبليكاسىنداعى اتاپ وتىلەتىن مەرەكە كۇندەرى:
1-2 قاڭتار - جاڭا جىل;
8 ناۋرىز - حالىقارالىق ايەلدەر كۇنى;
21-23 ناۋرىز - ناۋرىز مەيرامى;
1 مامىر - قازاقستان حالقىنىڭ بىرلىگى مەرەكەسى;
7 مامىر - وتان قورعاۋشى كۇنى;
9 مامىر - جەڭىس كۇنى;
6 شىلدە - استانا كۇنى;
30 تامىز - قازاقستان رەسپۋبليكاسىنىڭ كونستيتۋتسياسى كۇنى.
1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى.
«ادىرنا» ۇلتتىق پورتالى
