Qazaqstandyqtar 2021 jyly neshe kún demalady?

3324
Adyrna.kz Telegram

Eńbek jáne halyqty áleýmettik qorǵaý mınıstrligi 2021 jylǵa arnalǵan óndiristik kúntizbeni jarııalady, dep habarlaıdy «Adyrna» tilshisi.

Resmı saıtta kórsetilgen aqparatqa súıensek, kelesi jyly bes kúndik jumys isteıtin qazaqstandyqtar 120 kún, alty kúndik jumys isteıtinder 68 kún demalatyn bolady.

2021 jylǵy jumys ýaqytynyń balansyn qurý kezinde Zańnyń normalaryn esepke ala otyryp, demalys kúnderine (senbi, jeksenbi) sáıkes keletin mereke kúnderi merekeden keıingi jumys kúnine aýystyryldy:
bes kúndikte:
2 qańtardan 4 qańtarǵa;
21 naýryzdan 24 naýryzǵa;
1 mamyrdan 3 mamyrǵa;
9 mamyrdan 10 mamyrǵa.
alty kúndikte:
21 naýryzdan 24 naýryzǵa;
9 mamyrdan 10 mamyrǵa.

Kodekstiń 84-babyna sáıkes bes kúndik jáne alty kúndik jumys aptasynda jeksenbi jalpy demalys kúni bolyp tabylady.

Musylman kúntizbesi boıynsha atap ótiletin Qurban aıttyń birinshi kúni, 7 qańtar - pravoslavıelik Rojdestvo demalys kúnderi bolyp tabylady. 2021 jyly Qurban aıttyń birinshi kúni 20 shildege týra keledi.

Qazaqstan Respýblıkasyndaǵy atap ótiletin mereke kúnderi:
1-2 qańtar - Jańa jyl;
8 naýryz - Halyqaralyq áıelder kúni;
21-23 naýryz - Naýryz meıramy;
1 mamyr - Qazaqstan halqynyń birligi merekesi;
7 mamyr - Otan qorǵaýshy kúni;
9 mamyr - Jeńis kúni;
6 shilde - Astana kúni;
30 tamyz - Qazaqstan Respýblıkasynyń Konstıtýııasy kúni.
1 jeltoqsan – Qazaqstan Respýblıkasynyń Tuńǵysh Prezıdenti kúni.

«Adyrna» ulttyq portaly

Pikirler