اۆستراليالىق زەرتتەۋشى شەين ساتتەرلي 1945 جىلى بەرمۋد ۇشتاعانىندا بەس ۇشاقتىڭ جوعالىپ كەتۋىنىڭ تاعى ءبىر سەبەبىن ايتتى، دەپ حابارلايدى “ادىرنا” ۇلتتىق پورتالى 9 News-كە سىلتەمە جاساپ.
وقيعا 1945 جىلى 5 جەلتوقساندا، لەيتەنانت چارلز تەيلوردىڭ باسشىلىعىمەن "19 رەيس" دەپ اتالاتىن اقش اسكەري-تەڭىز كۇشتەرىنىڭ بەس تورپەدوشىسى وقۋ تاپسىرماسىنا اتتانىپ، بەرمۋد ۇشتاعانىنىڭ ايماعىندا ۇشىپ، كەيىن رادار ەكرانىنان جوعالىپ كەتكەن.
ساتتەرليدىڭ ايتۋىنشا، قايعىلى جاعدايعا وسى ايماقتاعى تىلسىم قۇبىلىستار ەمەس، ەكيپاجدىڭ دۇرىس ەمەس ارەكەتتەرى سەبەپ بولعان. قاراڭعى ءتۇسىپ، اۋا رايىنىڭ وزگەرگەن سوڭتەيلور قۇرىلعىلار بويىنشا ەمەس، تەرەزەدەگى كورىنىسكە قاراپ ارەكەت جاساعان.
«تەيلور ۇشۋ كەزىندە بىرنەشە رەت اداسقان. تىنىق مۇحيتىندا ەكى رەت ونى قۇتقارۋعا تۋرا كەلگەن»، - دەيدى عالىم.
عالىم ەكيپاج مۇشەلەرىنىڭ كوپشىلىگى ماشىقتانۋشىلار بولعانىن جانە كۇردەلى جاعدايلاردا بۇراندالى قاناتتى ماشينالاردى قالاي باسقارۋدى بىلمەيتىنىن ايتتى.
ساتتەرلي اقش اسكەري كۇشتەرى قايعىلى جاعدايدىڭ سەبەبىن بىلەتىنىن، بىراق تەيلوردىڭ اناسى ۇشاق تابىلعانعا دەيىن ونىڭ بالاسىن بولعان وقيعاعا ەشكىم كىنالاي المايتىنىن ايتتى. وسىعان بايلانىستى اسكەري ادامدار ەسەپتە "سەبەبىن بەلگىسىز" دەپ كورسەتۋگە ءماجبۇر بولعان.
فوتو اشىق دەرەككوزدەن الىندى
“ادىرنا” ۇلتتىق پورتالى
