جاڭا زاڭ جوباسى ماقۇلداندى

1976
Adyrna.kz Telegram

قازاقستان رەسپۋبليكاسى پارلامەنتى ءماجىلىسىنىڭ پلەنارلىق وتىرىسىندا ءماجىلىس دەپۋتاتتارى، «Nur Otan» پارتياسى فراكتسياسىنىڭ مۇشەلەرى مەنىڭ، س.بىچكوۆا، ق.ءمۋسيننىڭ جانە سەنات دەپۋتاتتارى ۆ.ۆولكوۆ، ل.سۇلەيمەننىڭ باستاماسىمەن ازىرلەنگەن «نوتاريات تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى ماقۇلداندى.

زاڭ جوباسىن ازىرلەۋدىڭ نەگىزگى ماقساتى نوتاريات تۋرالى زاڭنامانى، سونىمەن قاتار جەكە جانە زاڭدى تۇلعالاردىڭ قۇقىقتارى مەن زاڭدى مۇددەلەرىن قورعاۋدىڭ قۇقىقتىق جۇيەسىن جەتىلدىرۋ بولىپ تابىلادى.
تۇزەتۋلەردىڭ ءبىرىنشى بلوگى – نوتاريات جۇمىسىنداعى تسيفرلىق تەحنولوگيالارعا ارنالعان.
نوتارياتتىق قىزمەتتى ودان ءارى تسيفرلاندىرۋ نوتارياتتىق ءىس-ارەكەتتەردى جاساۋدى جەدەلدەتەدى، ونىڭ اشىقتىعىن جانە زاڭدىلىعىن قامتاماسىز ەتۋگە مۇمكىندىك بەرەدى، نوتارياتتىق قۇجاتتاردى راسىمدەۋدى جەڭىلدەتەدى. بۇل ءۇشىن ەلەكتروندىق نوتارياتتىڭ جەكەلەگەن ەرەكشەلىكتەرىن زاڭنامالىق رەتتەۋ قاجەت.
زاڭ جوباسىندا بىرىڭعاي نوتارياتتىق اقپاراتتىق جۇيەنىڭ (بناج) جۇمىسىن رەتتەيتىن نورمالار بەكىتىلەدى.
ۇسىنىلىپ وتىرعان نوتارياتتىق قۇجاتتاردى ساقتاۋدىڭ، ەسەپكە الۋدىڭ جانە ەلەكتروندىق مۇراعاتتىڭ ورتالىقتاندىرىلعان ەلەكتروندىق جۇيەسىن قۇرۋ - بۇل نوتارياتتىق قىزمەتتەردىڭ تيىمدىلىگىن ارتتىرۋعا مۇمكىندىك بەرەدى.
نوتاريۋستارعا جازباشا مامىلەلەردى ەلەكتروندىق نىساندا جاساۋ قۇقىعى بەرىلەدى. بۇل رەتتە تاراپتار مەن نوتاريۋستىڭ قول قويۋى ەلەكتروندىق تسيفرلىق قولتاڭبانىڭ كومەگىمەن نەمەسە تسيفرلىق قولتاڭباعا ارنالعان گرافيكالىق پلانشەتتىڭ كومەگىمەن جۇزەگە اسىرىلاتىن بولادى.
سونىمەن قاتار، نوتارياتتىق قىزمەت تۋرالى قاجەتتى اقپاراتتى ينتەرنەت – رەسۋرستا ورنالاستىرۋ ماسەلەلەرى زاڭنامالىق دەڭگەيدە رەتتەلەدى.
ەكىنشىدەن، زاڭ جوباسىنا نوتارياتتىق قۇپيا ۇعىمى ەنگىزىلدى. نوتارياتتىق قۇپيا نوتارياتتىق قىزمەتتىڭ نەگىزگى پرينتسيپتەرىنىڭ ءبىرى جانە كەپىلى بولىپ تابىلادى.
«نوتاريات تۋرالى» زاڭدا نوتارياتتىق ءىس-ارەكەتتەر جاساۋ قۇپياسىن قۇرايتىن مالىمەتتەر قۇرامىن بەكىتۋ، وسى مالىمەتتەردى قورعاۋ جونىندەگى قۇقىقتىق، ۇيىمداستىرۋشىلىق جانە تەحنيكالىق شارالار ازاماتتىڭ دا، جەكە جانە زاڭدى تۇلعالاردىڭ ازاماتتىق قۇقىقتارىن قامتاماسىز ەتۋگە باعىتتالعان ينستيتۋت رەتىندە نوتارياتتىڭ دا اقپاراتتىق قاۋىپسىزدىگىن قامتاماسىز ەتۋگە مۇمكىندىك بەرەدى.
تۇزەتۋلەردىڭ ءۇشىنشى بلوگى – اۋماقتاردا جانە رەسپۋبليكا دەڭگەيىندە دە نوتارياتتىڭ باسقارۋ ورگاندارىن رەگلامەنتتەۋگە قاتىستى.
ءتورتىنشى. تارتىپتىك ءىس جۇرگىزۋدى وبەكتيۆتى جانە جان-جاقتى قاراۋ ماقساتىندا شاعىمداردى رەسپۋبليكالىق دەڭگەيدە قارايتىن رەسپۋبليكالىق نوتارياتتىق پالاتانىڭ تارتىپتىك كوميسسياسىن قۇرۋ زاڭنامالىق تۇرعىدا بەكىتىلەدى.
بەسىنشى. زاڭ جوباسىندا ەلەكتروندىق قۇجاتتىڭ قاعاز جەتكىزگىشتەگى قۇجاتپەن تەڭ ماندىلىگىن كۋالاندىرۋ جانە قاعاز تۇرىندەگى قۇجاتتىڭ ەلەكتروندىق قۇجاتپەن تەڭ ماندىلىگىن كۋالاندىرۋ سياقتى ەكى جاڭا نوتارياتتىق ءىس-ارەكەت ەنگىزىلەدى. قازىرگى ۋاقىتتا ازاماتتار قۇجاتتاردى ءبىر قالادان ەكىنشى قالاعا بەرىپ جىبەرۋگە بايلانىستى قيىندىقتارعا كەزدەسەدى. قاعاز تۇرىندەگى نوتاريالدىق قۇجاتتاردى /سەنىمحات، كەلىسىم سياقتى/ ەلەكتروندى تۇرگە اۋىستىرۋ وسى ماسەلەنى تەز شەشۋگە مۇمكىندىك بەرەدى. بۇل، مىسالى ءسىز باسقا ايماقتا كەلىسىم شارت جاساۋ كەزىندە جۇبايىڭىزدىڭ كەلىسىمىن تەز ارادا راسىمدەپ، جىبەرۋ كەرەك بولعان كەزدە وتە ىڭعايلى بولادى.


زاڭ جوباسىن قابىلداۋ ازاماتتاردىڭ قۇقىقتارى مەن زاڭدى مۇددەلەرىن قورعاۋدى كۇشەيتۋگە جانە نوتاريات ينستيتۋتىن جەتىلدىرۋگە ىقپال ەتەدى دەپ ۇمىتتەنەمىز.

بالايىم كەنەسباەۆا

پىكىرلەر