Qazaqstan Respýblıkasy Parlamenti Májilisiniń plenarlyq otyrysynda májilis depýtattary, «Nur Otan» partııasy frakııasynyń músheleri meniń, S.Bychkova, Q.Mýsınniń jáne Senat depýtattary V.Volkov, L.Súleımenniń bastamasymen ázirlengen «Notarıat týraly» Qazaqstan Respýblıkasynyń Zańyna ózgerister men tolyqtyrýlar engizý týraly» Qazaqstan Respýblıkasy Zańynyń jobasy maquldandy.
Zań jobasyn ázirleýdiń negizgi maqsaty notarıat týraly zańnamany, sonymen qatar jeke jáne zańdy tulǵalardyń quqyqtary men zańdy múddelerin qorǵaýdyń quqyqtyq júıesin jetildirý bolyp tabylady.
Túzetýlerdiń birinshi blogy – notarıat jumysyndaǵy ıfrlyq tehnologııalarǵa arnalǵan.
Notarıattyq qyzmetti odan ári ıfrlandyrý notarıattyq is-áreketterdi jasaýdy jedeldetedi, onyń ashyqtyǵyn jáne zańdylyǵyn qamtamasyz etýge múmkindik beredi, notarıattyq qujattardy rásimdeýdi jeńildetedi. Bul úshin elektrondyq notarıattyń jekelegen erekshelikterin zańnamalyq retteý qajet.
Zań jobasynda Biryńǵaı notarıattyq aqparattyq júıeniń (BNAJ) jumysyn retteıtin normalar bekitiledi.
Usynylyp otyrǵan notarıattyq qujattardy saqtaýdyń, esepke alýdyń jáne elektrondyq muraǵattyń ortalyqtandyrylǵan elektrondyq júıesin qurý - bul notarıattyq qyzmetterdiń tıimdiligin arttyrýǵa múmkindik beredi.
Notarıýstarǵa jazbasha mámilelerdi elektrondyq nysanda jasaý quqyǵy beriledi. Bul rette taraptar men notarıýstyń qol qoıýy elektrondyq ıfrlyq qoltańbanyń kómegimen nemese ıfrlyq qoltańbaǵa arnalǵan grafıkalyq planshettiń kómegimen júzege asyrylatyn bolady.
Sonymen qatar, notarıattyq qyzmet týraly qajetti aqparatty ınternet – resýrsta ornalastyrý máseleleri zańnamalyq deńgeıde retteledi.
Ekinshiden, zań jobasyna notarıattyq qupııa uǵymy engizildi. Notarıattyq qupııa notarıattyq qyzmettiń negizgi prınıpteriniń biri jáne kepili bolyp tabylady.
«Notarıat týraly» Zańda notarıattyq is-áreketter jasaý qupııasyn quraıtyn málimetter quramyn bekitý, osy málimetterdi qorǵaý jónindegi quqyqtyq, uıymdastyrýshylyq jáne tehnıkalyq sharalar azamattyń da, jeke jáne zańdy tulǵalardyń azamattyq quqyqtaryn qamtamasyz etýge baǵyttalǵan ınstıtýt retinde notarıattyń da aqparattyq qaýipsizdigin qamtamasyz etýge múmkindik beredi.
Túzetýlerdiń úshinshi blogy – aýmaqtarda jáne respýblıka deńgeıinde de notarıattyń basqarý organdaryn reglamentteýge qatysty.
Tórtinshi. Tártiptik is júrgizýdi obektıvti jáne jan-jaqty qaraý maqsatynda shaǵymdardy respýblıkalyq deńgeıde qaraıtyn Respýblıkalyq notarıattyq palatanyń tártiptik komıssııasyn qurý zańnamalyq turǵyda bekitiledi.
Besinshi. Zań jobasynda elektrondyq qujattyń qaǵaz jetkizgishtegi qujatpen teń mándiligin kýálandyrý jáne qaǵaz túrindegi qujattyń elektrondyq qujatpen teń mándiligin kýálandyrý sııaqty eki jańa notarıattyq is-áreket engiziledi. Qazirgi ýaqytta azamattar qujattardy bir qaladan ekinshi qalaǵa berip jiberýge baılanysty qıyndyqtarǵa kezdesedi. Qaǵaz túrindegi notarıaldyq qujattardy /senimhat, kelisim sııaqty/ elektrondy túrge aýystyrý osy máseleni tez sheshýge múmkindik beredi. Bul, mysaly siz basqa aımaqta kelisim shart jasaý kezinde jubaıyńyzdyń kelisimin tez arada rásimdep, jiberý kerek bolǵan kezde óte yńǵaıly bolady.
Zań jobasyn qabyldaý azamattardyń quqyqtary men zańdy múddelerin qorǵaýdy kúsheıtýge jáne notarıat ınstıtýtyn jetildirýge yqpal etedi dep úmittenemiz.
Balaıym Kenesbaeva
