جىل سايىن گازباللوندى قوندىرعىلاردىڭ جارىلىسى مەن تارسىلىنىڭ 30-عا جۋىق وقيعاسى تىركەلسە، مۇنىڭ سالدارىنان شامامەن 10 ادام قازا تابادى جانە 50-گە جۋىق ادام جاراقات الادى. مىسالى 2018 جىلى -39 جارىلىس بولىپ، 4 ادام قازا تاپقان، 2019 جىلى -27 جارىلىستىڭ سالدارى 10 ادامدى اجال قۇشتىرعان، 41 ادامعا زاردابىن تيگىزگەن، 2020 جىلدىڭ ون ايىندا 21 جارىلىس بولسا، 9 ادام قازا تاۋىپ، 38 ادام زارداپ شەككەن. قازا بولۋدىڭ نەگىزگى سەبەپتەرى تۇرمىستىق گاز قۇرىلعىلارىن پايدالانۋ كەزىندە ءورت قاۋىپسىزدىگى تالاپتارىنىڭ بۇزىلۋى، ءتۇتىن جانە جەلدەتۋ ارنالارىنىڭ تارتپاۋى، گاز جابدىعىنىڭ ءتۇتىن كانالىمەن جالعاستىرۋشى قۇبىرلارىنىڭ گەرمەتيكالىعىنىڭ ناشارلاۋى، جاپقىشتى جابۋ، اقاۋى بار پەشتەر مەن گاز قازاندىعىن پايدالانۋ، ءۇي-جايلاردى جىلىتۋ ءۇشىن گاز پليتالارىن پايدالانۋ بولىپ تابىلادى.
كۇنى كەشە گاز باللونى جارىلۋى سالدارىنان، ەلورداداعى ءدامحانالاردىڭ بىرىندە دە ءورت شىعىپ، ادام ولىمىنە اكەلىپ سوققانى بەلگىلى. وسىنداي قايعىلى وقيعا قايتالانىپ ورىن الماس ءۇشىن، «ادىرنا» ۇلتتىق پورتالى قازاقستان رەسپۋبليكاسى توتەنشە جاعداي مينيسترلىگى ۇسىنعان تۇرمىستا گاز جابدىقتارىن پايدالانۋ قاۋىپسىزدىگى بويىنشا نەگىزگى تالاپتاردى ەسكە سالادى.
گازبەن جابدىقتاۋ جۇيەلەرى وبەكتىلەرىنىڭ قاۋىپسىزدىگى جونىندەگى تالاپتارعا سايكەس گاز تولتىرىلعان باللونداردى ساقتاۋعا ارنالعان قويمالار جەڭىل ۇلگىدەگى جابىندارى بار ءبىر قاباتتى ءۇي-جايلاردا ساقتالۋى ءتيىس.
گازداردى ساقتاۋعا ارنالعان قويمالاردىڭ قابىرعالارى، ارالىقتارى، جابىندارى وتقا توزىمدىلىكتىڭ ءىى دارەجەسىنەن تومەن ەمەس، جانبايتىن ماتەريالداردان جاسالادى، تەرەزەلەرى مەن ەسىكتەرى سىرتقا قاراي اشىلادى.
باللوندارعا ارنالعان قويما ءۇي-جايلارىنىڭ بيىكتىگى ەدەننەن توبە جابىندىلارىنىڭ استىڭعى كورىنەتىن بولىكتەرىنە دەيىن كەمىندە 3,25 مەترگە تەڭ بولادى.
قويمالاردىڭ ەدەندەرى بەتكى بولىگى سىرعانامايتىنداي تەگىس، ال جانعىش گازدارى بار باللوندارعا ارنالعان قويمالاردىڭ ەدەندەرى ولارعا قانداي دا ءبىر زاتتار سوعىلعاندا ۇشقىننىڭ شىعۋىن بولدىرمايتىن ماتەريالداردان جاسالۋى ءتيىس.
قويمالاردا ولارداعى باللونداردى پايدالانۋ جونىندەگى نۇسقاۋلىقتار، ەرەجەلەر مەن پلاكاتتار ىلىنەدى.
گاز تولتىرىلعان باللوندارعا ارنالعان قويمالاردىڭ تابيعي نەمەسە جاساندى جەلدەتكىشى بولادى.
جارىلىس جانە ءورت قاۋىپتى گازدارى بار باللوندارعا ارنالعان قويمالار نايزاعايدان قورعاۋ جۇيەسىمەن جاراقتالادى.
ورناتىلعان تاباندىقتارى بار تولتىرىلعان باللوندار تىك قالپىندا ساقتالادى.
تاباندىقتارى جوق باللوندار كولدەنەڭىنەن اعاش جيەكتەمەلەردە نەمەسە سورەلەردە كولدەنەڭ قالپىندا ساقتالادى.
باللونداردى قۇلاۋدان ساقتاندىرۋ ءۇشىن ولار جابدىقتالعان ۇيالارعا، تورشالارعا قويىلادى نەمەسە بوگەتپەن قورشالادى.
تاباندىقتارى جوق باللوندار كولدەنەڭىنەن اعاش جيەكتەمەلەردە نەمەسە سورەلەردە كولدەنەڭ قالپىندا ساقتالادى.
اشىق الاڭداردا ساقتاعاندا تاباندىقتارى بار باللونداردى كولدەنەڭ قاتارلار اراسىنا ارقاننان، قىرلى بورەنەلەردەن نەمەسە رەزەڭكەدەن جاسالعان توسەممەن قاتار-قاتار قويۋعا جول بەرىلەدى.
باللونداردى قاتار-قاتار قويعان كەزدە سوڭعىلارىنىڭ بيىكتىگى 1,5 مەتردەن استام بولماۋى ءتيىس.
«گاز جانە گازبەن جابدىقتاۋ تۋرالى» قازاقستان رەسپۋبليكاسىنىڭ 2012 جىلعى 9 قاڭتارداعى № 532-IV زاڭىنا سايكەس 2012 جىلدىڭ قاڭتار ايىنان باستاپ گاز جانە گازبەن جابدىقتاۋ سالاسىندا الەۋمەتتىك ينفراقۇرىلىم وبەكتىلەرىندە (تۇرمىستىق جانە كوممۋنالدىق-تۇرمىستىق) گاز باللوندار مەن گازدى پايدالانۋ جابدىقتارىن باقىلاۋدى جەرگىلىكتى اتقارۋشى ورگاندار جۇزەگە اسىرادى.
«قازاقستان رەسپۋبليكاسىندا تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى» قازاقستان رەسپۋبليكاسى پرەزيدەنتىنىڭ 2019 جىلعى 26 جەلتوقسانداعى № 229 جارلىعىنا سايكەس 2020 جىلعى 1 قاڭتاردان باستاپ 2023 جىلعى 1 قاڭتارعا دەيىن شاعىن ميكروبيزنەس سۋبەكتىلەرىن تەكسەرۋلەردى جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋدى توقتاتتى.
توتەنشە جاعدايلار مينيسترلىگى ازاماتتاردى گاز باللونداردى پايدالانۋ جانە ءورت قاۋىپسىزدىگى قاعيدالارىن ساقتاۋعا شاقىرادى.
ال ءبىز ءوز تاراپىمىزدان، قاداعالاۋ جۇرگىزىلمەيدى ەكەن دەپ، ارقانى كەڭگە سالۋعا بولمايتىندىعىن ايتقىمىز كەلەدى. مۇنى ورىن الىپ جاتقان قايعىلى وقيعالار ەسكە سالىپ تۇرعانداي.
ەركە جومارت،
«ادىرنا» ۇلتتىق پورتالى
