گاز باللونى – اجال قۇشتىردى

2046
Adyrna.kz Telegram

2020 جىلعى 21  قاراشا كۇنى كۇندىزگى  ساعات 12.25-تە نۇر-سۇلتان قالاسى توتەنشە جاعدايلار دەپارتامەنتى كەزەكشى-ديسپەتچەرلىك قىزمەتىنىڭ پۋلتىنە شۇبار شاعىن اۋدانىنداعى «Halalbrothers» ءدامحانادا  گاز باللون جارىلعانى  سالدارىنان ءورت شىققانى  تۋرالى         حابارلاما كەلىپ ءتۇستى.
ءورت سوندىرۋشىلەر وقيعا ورنىنا حابارلاما تۇسكەن ساتتەن باستاپ 7 مينۋت وتكەن سوڭ كەلىپ جەتتى. ولار كەلە سالا جارىلىس سالدارىنان ەكى قاباتتى كوتتەدجگە جاپسارلاس سالىنعان قۇرىلىس پەن قازاندىقتىڭ ءىشىنارا قابىرعالارى جانە شاتىرى قۇلاعانىن انىقتادى. سونىمەن قاتار، تاعى دا 20 شارشى مەتر كولەمدە جاپسارلاس سالىنعان قۇرىلىس پەن قازاندىقتىڭ شاتىرى جانعان. قيراۋ 100 شارشى مەتر كولەمدە ورىن العان (قۇرىلىستىڭ جالپى كولەمى 600 شارشى مەتر). جارىلىس سالدارىنان اس ءۇيدىڭ شاتىرى قۇلاعان.
ەلوردالىق قۇتقارۋشىلار وقيعا ورنىنان 35 گاز باللونىن سىرتقا  شىعارىپ، قاۋىپسىز جەرگە اپارعان. ءۇيىندىنىڭ اراسىنان 1998 جىلى تۋعان  ازاماتشا قۇتقارىلدى، ول جابىق باس مي زاقىمىن العان. وكىنشكە وراي، وقيعا   ورنىندا ءدامحانادا ىدىس جۋشى بولىپ قىزمەت اتقاراتىن 1968 جىلى تۋعان ايەل        ادام قازا  تاپتى.
جەدەل مەديتسينالىق كومەك بريگاداسى 34 ادامدى ەمحاناعا جەتكىزدى. ونىڭ ىشىندە 11-ءى دارىگەرلەردىڭ قابىداۋىنان  كەيىن  ۇيلەرىنە جىبەرىلدى، 23-ءى اۋرۋحاناعا جاتقىزىلدى. زارداپ شەككەن ادامداردىڭ بارلىعى ءدامحانا جۇمىسشىلارى.

جارىلىس سالدارىنان 3 اۆتوكولىككە زيان كەلدى.
كولەمى 20 شارشى مەتر ءورت ساعات 12.58-دە ءسوندىرىلدى. ال جاپلى اۆاريالىق-قۇتقارۋ جۇمىستارى ساعات 17.00-لەردە اياقتالدى. ءورتتىڭ شىعۋ سەبەپتەرى انىقتالۋدا.
وقيعا ورنىندا نۇر-سۇلتان قالاسى توتەنە جاعدايلار دەپارتامەنتىنىڭ، اپاتتار مەديتسيناسى ورتالىعىنىڭ 56 قىزمەتكەرى مەن 14 بىرلىك تەحنيكاسى جۇمىس     جاسادى.
قالا اكىمدىگى جانە توتەنشە جاعدايلار دەپارتامەنتى ادامدار توڭىپ قالماس ءۇشىن كۋنگ-كولىگى        مەن  ارنايى       اۆتوبۋس      جىبەردى.
وقيعا ورنىندا حالىققا پسيحولوگيالىق كومەك بەرۋ جانە اقپاراتتىق قولداۋ ءۇشىن قاۋىرت جەلى تەلەفونى جۇمىس ىستەدى.

وعان  11      قوڭىراۋ     كەلىپ ءتۇستى.
جالپى ورىن العان  توتەنشە جاعدايدى  جويۋعا نۇر-سۇلتان قالاسى توتەنشە جاعدايلار دەپارتامەنتى، اپاتتار مەديتسيناسى ورتالىعىنان، پوليتسيا دەپارتامەنتىنەن، جەدەل مەديتسينالىق كومەك بريگاداسىنان جانە جەرگىلىكتى اتقارۋشى ورگانداردان 172 قىزمەتكەر مەن 56 بىرلىك تەحنيكا جۇمىلدىرىلدى.

ارينە، قانداي توتەنشە جاعداي بولسا دا كۇتپەگەن جەردەن ورىن الاتىنى بەلگىلى، ونى ەشكىم ادەيىلەپ جاسامايدى، كوپ جاعدايدا  بارلىعى قاس-قاعىم ساتتە بولادى. دەگەنمەن، ابايسىزدا جاساعان ءبىر ءىس-ارەكەتتەن ورنى تولماس قايعىعا دۋشار بولاتىنىمىزدى اركەز ەستەن شىعارماي، ساقتىق شارالارىن بارىنشا قاتاڭ قولدانۋ كەرەك-اۋ. توتەنشە جاعدايلاعىلار دا، جوعارىدا ايتىلعان تەكتەس وقيعالار ورىن العاندا ءوز باستارىن قاتەرگە تىگىپ، وزگەلەردىڭ ومىرىنە اراشا بولىپ جاتادى.

ەركە جومارت،

«ادىرنا» ۇلتتىق پورتالى

 

پىكىرلەر