2020 jylǵy 21 qarasha kúni kúndizgi saǵat 12.25-te Nur-Sultan qalasy Tótenshe jaǵdaılar departamenti kezekshi-dıspetcherlik qyzmetiniń pýltine Shubar shaǵyn aýdanyndaǵy «Halalbrothers» dámhanada gaz ballon jarylǵany saldarynan órt shyqqany týraly habarlama kelip tústi.
Órt sóndirýshiler oqıǵa ornyna habarlama túsken sátten bastap 7 mınýt ótken soń kelip jetti. Olar kele sala jarylys saldarynan eki qabatty kottedjge japsarlas salynǵan qurylys pen qazandyqtyń ishinara qabyrǵalary jáne shatyry qulaǵanyn anyqtady. Sonymen qatar, taǵy da 20 sharshy metr kólemde japsarlas salynǵan qurylys pen qazandyqtyń shatyry janǵan. Qıraý 100 sharshy metr kólemde oryn alǵan (qurylystyń jalpy kólemi 600 sharshy metr). Jarylys saldarynan as úıdiń shatyry qulaǵan.
Elordalyq qutqarýshylar oqıǵa ornynan 35 gaz ballonyn syrtqa shyǵaryp, qaýipsiz jerge aparǵan. Úıindiniń arasynan 1998 jyly týǵan azamatsha qutqaryldy, ol jabyq bas mı zaqymyn alǵan. Ókinshke oraı, oqıǵa ornynda dámhanada ydys jýýshy bolyp qyzmet atqaratyn 1968 jyly týǵan áıel adam qaza tapty.
Jedel medıınalyq kómek brıgadasy 34 adamdy emhanaǵa jetkizdi. Onyń ishinde 11-i dárigerlerdiń qabydaýynan keıin úılerine jiberildi, 23-i aýrýhanaǵa jatqyzyldy. Zardap shekken adamdardyń barlyǵy dámhana jumysshylary.
Jarylys saldarynan 3 avtokólikke zııan keldi.
Kólemi 20 sharshy metr órt saǵat 12.58-de sóndirildi. Al japly avarııalyq-qutqarý jumystary saǵat 17.00-lerde aıaqtaldy. Órttiń shyǵý sebepteri anyqtalýda.
Oqıǵa ornynda Nur-Sultan qalasy Tótene jaǵdaılar departamentiniń, Apattar medıınasy ortalyǵynyń 56 qyzmetkeri men 14 birlik tehnıkasy jumys jasady.
Qala ákimdigi jáne Tótenshe jaǵdaılar departamenti adamdar tońyp qalmas úshin KÝNG-kóligi men arnaıy avtobýs jiberdi.
Oqıǵa ornynda halyqqa psıhologııalyq kómek berý jáne aqparattyq qoldaý úshin qaýyrt jeli telefony jumys istedi.
Oǵan 11 qońyraý kelip tústi.
Jalpy oryn alǵan tótenshe jaǵdaıdy joıýǵa Nur-Sultan qalasy Tótenshe jaǵdaılar departamenti, Apattar medıınasy ortalyǵynan, Polıııa departamentinen, jedel medıınalyq kómek brıgadasynan jáne jergilikti atqarýshy organdardan 172 qyzmetker men 56 birlik tehnıka jumyldyryldy.
Árıne, qandaı tótenshe jaǵdaı bolsa da kútpegen jerden oryn alatyny belgili, ony eshkim ádeıilep jasamaıdy, kóp jaǵdaıda barlyǵy qas-qaǵym sátte bolady. Degenmen, abaısyzda jasaǵan bir is-áreketten orny tolmas qaıǵyǵa dýshar bolatynymyzdy árkez esten shyǵarmaı, saqtyq sharalaryn barynsha qatań qoldaný kerek-aý. Tótenshe jaǵdaılaǵylar da, joǵaryda aıtylǵan tektes oqıǵalar oryn alǵanda óz bastaryn qaterge tigip, ózgelerdiń ómirine arasha bolyp jatady.
Erke Jomart,
«Adyrna» ulttyq portaly
