عارىش سالاسىن دامىتۋ، ونى تەرەڭ زەرتتەپ، دەن قويۋ ءبىزدىڭ ەل ءۇشىن باستى ماقساتتاردىڭ ءبىرى بولىپ تۇر. عارىش قىزىعى مەن تىڭ جاڭالىقتارعا تولى الەم عانا ەمەس، ول ءبىزدىڭ ءومىرىمىزدى جەڭىلدەتەتىن، ءتىپتى ونىڭ قاۋىپسىزدىگىنە دە پايداسى تيەتىن سالا.
مىسالى، عارىش سالاسىنىڭ ماماندارى اۆاريالار مەن اپاتتار كەزىندە شۇعىل شاقىرۋ جۇيەسىن، سۋ تاسقىنىن، ورتتى جانە مۇنايدىڭ توگىلۋىنىڭ ىقتيمال قاتەرلەرىن مونيتورينگتەۋ جانە باعالاۋ تەحنولوگيالاردى، رەلەفتىڭ تسيفرلىق مودەلدەرى، گيدرومەتەورولوگيالىق اقپاراتتاردى ازىرلەگەن. سونىمەن بىرگە، اۋىل شارۋاشىلىعى القاپتارىن، تابيعي بيوقاۋىپسىزدىكتەردى، قاتتى تۇرمىستىق قالدىقتار پوليگوندارىن عارىشتىق مونيتورينگتەۋ تەحنولوگيالارى جاسالدى. قۇرعاقشىلىقتىڭ الدىن الۋ جۇيەسىنىڭ تەحنيكالىق الەۋەتىن ارتتىرۋ جانە جەتىلدىرۋ بويىنشا جۇمىستار ورىندالدى، ەلىمىزدىڭ اۋماعىنداعى وسىمدىك جامىلعىسى جاي-كۇيىنىڭ عارىشتىق مونيتورينگىنىڭ web-گەواقپاراتتىق جۇيەسى قۇرىلعان. 2018 جىلى بىرىككەن ۇلتتار ۇيىمىنىڭ دامۋ باعدارلاماسىنىڭ تاپسىرىسى بويىنشا جايىلىمدىق رەسۋرستار مەن كليماتتىڭ ەلەكتروندى اتلاسى جاسالعان بولاتىن.
عارىش قوقىسى وبەكتىلەرىن، بەلسەندى جانە ءپاسسيۆتى گەوستاتسيونارلىق سپۋتنيكتەردى مونيتورينگىلەۋدىڭ بىرىڭعاي جۇيەسىن انىقتاۋ مەن باقىلاۋعا ارنالعان باعدارلامالىق كەشەن قۇرىلدى.
قازاقستاندىق بايلانىس سپۋتنيكتەرى ءۇشىن ناقتى قاۋىپتى جاقىنداسۋلار جونىندەگى اقپارات "رەسپۋبليكالىق عارىشتىق بايلانىس ورتالىعى"اق-عا بەرىلىپ وتىرادى. عارىشتىق فاكتورلاردىڭ سپۋتنيكتەر مەن جەرۇستى كەشەندەرىنە اسەرىن بارىنشا ازايتۋ بويىنشا الدىن الۋ شارالارىن قابىلداۋ ءۇشىن عارىشتىق اۋا رايىن بولجاۋدىڭ بىرقاتار ادىستەرى ازىرلەندى.
كومىرسۋتەكتەردى قارقىندى ءوندىرۋ ايماقتارىنداعى تابيعي جانە تەحنوگەندىك اپاتتاردى بولجاۋ ماقساتىندا الماتى جانە نۇر-سۇلتان قالالارىنىڭ اۋماقتارى جەر قىرتىسىنىڭ جوعارعى قاباتتارىنىڭ بيىكتىك قۇرىلىسى ءۇشىن قاۋىپتى ايماقتاردى ءبولۋ، كاسپي ءوڭىرى جەر قىرتىسىنىڭ جاي-كۇيى بويىنشا مونيتورينگ جۇيەسى ازىرلەندى.
سپۋتنيكتىك تەحنولوگيالار نەگىزىندە مۇناي بولاشاعى سالالارىن ءبولۋ جانە مۇناي كەن ورىندارىن ىزدەۋ ادىستەرى دايىندالدى.
وسى جوعارىدا اتقارىلعان شارۋالار «عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردىڭ» ناتيجەسى. سونىمەن قاتار وسى جۇرگىزىلگەن جۇمىستاردىڭ ناتيجەلەرى ەكونوميكانىڭ ءتۇرلى سالالارىنا دا ءتيىمدى اسەرىن تيگىزەدى.
ەركە جومارت،
«ادىرنا» ۇلتتىق پورتالى
