بالاسىن 28 جىل بويى قاماۋدا ۇستاعان

2595
Adyrna.kz Telegram

شۆەد پوليتسياسى بالاسىن 28 جىل بويى قاماۋدا ۇستاعان ستوكگولم تۇرعىنىن تۇتقىندادى، دەپ حابارلايدى «ادىرنا» ۇلتتىق پورتالى vesti.ru-عا سىلتەمە جاساپ.

1992 جىلى اناسى 12 جاسار ۇلىن مەكتەپتەن الىپ كەتىپ، قايتا اپارماعان. قازىرگى تاڭدا 41 جاستاعى ەر ادامنىڭ تىستەرى جوق، وزدىگىنەن ءجۇرىپ، ساۋالدارعا جاۋاپ بەرە المايدى.

وتكەن دەمالىس كۇندەرى اۋرۋحانادا جاتقان ايەلدىڭ ۇيىنە كوز قىرىن سالۋعا الىس تۋىسى كەلەدى. ول  پاتەرگە كىرگەننەن سوڭ، جاعىمسىز ءيىستى سەزىپ، قاماۋدا وتىرعان ازاماتتى كورگەن. ايتۋىنشا، ەر ادامنىڭ جاعدايى اۋىر كۇيدە.

باسىلىم كەلتىرگەن مالىمەتتەرگە سۇيەنەتىن بولساق، زارداپ شەگۋشى اۋرۋحاناعا جەتكىزىلىپ، وعان دۇيسەنبىدە شۇعىل وپەراتسيا جاسالعان.

ايتا كەتەيىك، 41 جاستاعى ۇلىن قاماۋدا ۇستاعان انا بالاسىن باس بوستاندىعىنان زاڭسىز ايىردى دەگەن ايىپپەن قاماۋعا الىندى.

«ادىرنا» ۇلتتىق پورتالى

پىكىرلەر