1 قاڭتاردان باستاپ ۋكراينادا الەۋمەتتىك تولەمدەردى تاعايىنداۋ شارتتارى وزگەرەدى، دەپ حابارلايدى «ادىرنا» ۇلتتىق پورتالى tvr.by-عا سىلتەمە جاساپ.
زەينەتكەرلىك جاسىنداعى ۋكرايندەردىڭ ەڭبەك ءوتىلى جەتكىلىكسىز بولعان جاعدايدا، ولار ارنايى الەۋمەتتىك تولەمدەردى الا المايدى.
سونىمەن قاتار، مەملەكەتتىك قارجىلىق قولداۋدان قول ۇزگەندەر تىزىمىنە ءوز ۋاقىتىندا قاجەتتى سالىق مولشەرىن تولەمەگەندەردەن بولەك، ەڭبەك ەتۋ قابىلەتىنەن ايىرىلۋىنا بايلانىستى الەۋمەتتىك تولەم الاتىن جاندار دا كىرەدى. ستاتيستيكالىق مالىمەتتەرگە سۇيەنەتىن بولساق، ولاردىڭ سانى 100 مىڭنان اسىپ جىعىلادى.
ايتا كەتەيىك، جەرگىلىكتى ەكونوميستەر زاڭ قابىلدانعان جاعدايدا ەلدە كۇنكورىس قاراجاتىنسىز قالاتىن قارتتاردىڭ كوبەيەتىنىن ەسكەرتۋدە.
«ادىرنا» ۇلتتىق پورتالى
