2021 جىلى قازاقستاندىق جوعارى ءبىلىمنىڭ الدىندا جاڭا سىن-قاتەرلەر تۇر. كەزەكتى بيزنەس-كەڭەستىڭ تاقىرىبى دا وسى ماسەلەگە ارنالعان: "جاھاندىق جانە جەرگىلىكتى سىن-قاتەرلەر كونتەكسىندەگى قازاقستاننىڭ جوعارى ءبىلىمى". مۇنداي كەڭەستەردىڭ ماقساتى الەمدىك دەڭگەيدەگى ءبىلىم بەرۋدى دامىتۋعا جانە ستۋدەنتتەردىڭ ەڭبەك نارىعىندا سۇرانىسقا يە داعدىلاردى قالىپتاستىرۋىنا ىقپال ەتۋ دەيدى ۇيىمداستىرۋشىلار دەپ حابارلايدى «ادىرنا» ۇلتتىق پورتالى ۋنيۆەرسيتەتتىڭ ءباسپاسوز قىزمەتىنە سىلتەمە جاساپ.
«نارىقتا جوعارى ءبىلىمى بار تۇلەكتەر سانى وتە كوپ، بىراق ولاردىڭ ساپاسى ناشار. بۇگىندە ءبىلىم بەرۋ سالاسىنىڭ ەل ەكونوميكاسىنا اكەلەر پايداسى ازايۋدا. ادەتتە داعدارىس كەزىندە قوعامدىق تەڭسىزدىك كۇشەيەدى. ساپالى ءبىلىم مەن ساپاسىز ءبىلىمنىڭ اراسىندا ۇلكەن الشىقتىق پايدا بولادى. وسى ماسلەلەلەردى ەسكەرە كەلە، ءبىز جوعارى وقۋ ورىندارىنىڭ باستى كليەنتى - قوعام مەن جۇمىس بەرۋشى ەكەنىن ءتۇسىنۋىمىز كەرەك»، - دەپ اتاپ ءوتتى ساۋلە كەمەلباەۆا. كازگيۋ جوعارى ەكونوميكا مەكتەبىنىڭ دەكانى جوعارى ءبىلىم سالاسىنىڭ قازاقستان ەكونوميكاسىنا قوساتىن ۇلەسى جايلى زەرتتەۋ جۇمىسىنىڭ ناتيجەسىمەن دە ءبولىستى.
ىسكەرلىك كەڭەس مۇشەلەرى مەن قوناقتار اراسىندا قر اپ ستراتەگيالىق زەرتتەۋلەر مەن تالداۋ ورتالىعىمەڭگەرۋشىسىنىڭ ورىنباسارى ولجاس جوراەۆ، ساۋدا جانە ينتەگراتسيا ۆيتسە-ءمينيسترى ازامات اسقارۇلى جانە مەملەكەتتىك ورگانداردىڭ باسشىلارى مەن توپ-مەنەدجەرلەرى، قر باسەكەلەستىكتى قورعاۋ جانە دامىتۋ اگەنتتىگى،، قازاقستان ۇلتتىق بانكى، «بانك تسەنتر كرەديت» اق، «بانك حوۋم كرەديت» اق، «حالىقارالىق باعدارلامالار ورتالىعى» اق، «ACCA قازاقستان جانە ورتالىق ازيا» ت.ب. جۇمىس بەرۋشىلەربولدى.
ۇيىمداستىرۋشىلاردىڭ ايتۋىنشا، جۇمىس بەرۋشىلەرمەن وتەتىن مۇنداي كەزدەسۋلەر بىلىكتى مامانداردىڭ جەتىسپەۋشىلىگى مەن تۇلەكتەردى جۇمىسقا ورنالاستىرۋ ماسەلەسىن بىرلەسىپ شەشۋگە كومەكتەسەدى. بۇل جۇمىس بەرۋشىنىڭ ماماندى وقىتۋعا جانە بەيىمدەۋگە كەتەتىن ۋاقىتىن ۇنەمدەپ، قىزمەتكەرلەردى ىزدەۋگە جانە تارتۋعا جۇمسالاتىن شىعىندارىن 20%-عا دەيىن ازايتادى.
