30 جىلدا ەكى زاڭ عانا مەملەكەتتىك تىلدە جازىلدى

1575

"سالماقتى سۇحبات" حالىقارالىق ونلاين ستۋدياسىنىڭ قوناعى پروفەسسور، ساياسي عىلىمداردىڭ دوكتورى،

قر پارلامەنتى سەناتىنىڭ دەپۋتاتى، قر پارلامەنتى سەناتىنىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى مۇرات باقتيارۇلى بولدى.

"سالماقتى سۇحباتتىڭ" مودەراتورى، "قازاقستاننىڭ 100 جاڭا ەسىمى" جوباسىنىڭ جەڭىمپازى، "لينگۆيستيكا" ماماندىعى بويىنشا فيلوسوفيا دوكتورى (PhD) قۋانىش جۇمابەكۇلى مۇرات باقتيارۇلىنا تومەندەگىدەي سۇراقتار قويدى:

1) سىزدىڭشە مەملەكەتشىل ازامات قانداي بولۋ كەرەك؟

2) ءسىزدىڭ "تىلدىك زاڭنامانى جەتىلدىرۋ، زاڭ تالاپتارىن كۇشەيتۋ ارقىلى قاجەتتىلىكتى تۋعىزا وتىرىپ، جاڭادان مەملەكەتتىك ءتىل تۋرالى زاڭ قابىلداۋ كەرەك»، – دەگەن ءسوزىڭىز بار. سەڭ قوزعالۋ ءۇشىن، ارينە، ساياسي شەشىم قابىلدانعانى دۇرىس.

ىرگەتاسى ورىس تىلىندە قالانعان جۇيەنىڭ ىرگەسىن سوگۋگە بيلىكتىڭ ساياسي ەرىك جىگەرى نەگە جەتپەي تۇر دەپ ويلايسىز؟

3) ءوزىڭىز دە ايتىپ ءجۇرسىز، 30 جىلدا ەكى زاڭ عانا مەملەكەتتىك تىلدە جازىلدى. ولار – 1997 جىلعى «حالىقتىڭ كوشى-قونى تۋرالى» زاڭ مەن 2002 جىلعى «قازاقستان رەسپۋبليكاسىنداعى بالانىڭ قۇقىقتارى تۋرالى» زاڭ.

ءسىزدىڭ ويىڭىزشا، زاڭ جوبالارىن الدىمەن مەملەكەتتىك تىلدە دايىنداۋدا ەڭ نەگىزگى كەدەرگىلەر قانداي؟

4) كۇلتوبەنىڭ باسىندا قابىلدانعان «تاۋكە حاننىڭ جەتى جارعىسىندا» افوريزم، ماقال-ماتەل، قاناتتى سوزدەردىڭ كورىنىس تاپقانىن تاريحتان بىلەمىز. بيلەر «قاسىم حاننىڭ قاسقا جولى»، «ەسىم حاننىڭ ەسكى جولى»، «ءاز تاۋكەنىڭ جەتى جارعىسى» زاڭدار جيناعىنداعى نەگىزگى قاعيدالار مەن نورمالاردى تولىق مەڭگەرىپ قانا قويماي، ەل-جۇرتىنىڭ ادەت-عۇرپىن، شەجىرەسىن، تاريحىن، كەمەل پىكىرلەرىن شەشەن تىلمەن جەتكىزە الاتىن دارا جاندار بولعان.

بۇگىنگى تاڭدا پارلامەنتتەگى كەيبىر دەپۋتاتتار وت اۋىزدى وراق ءتىلدى بولۋى بىلاي تۇرسىن، قازاقشا ءجوندى بىلمەيدى.
بۇل تۇرعىدا نە ايتاسىز؟

5) جەرىمىزگە تابانى تيگەن وزگە ۇلت وكىلدەرىن حالقىمىزدىڭ ەرەكشە جىلىلىقپەن قارسى العانى بەلگىلى. ەلىمىز وزگە ەتنيكالىق توپتاردىڭ ۇلتتىق تىلدەرى مەن ادەت-عۇرىپتارىن، سالت-داستۇرلەرىن دامىتۋعا دا قولداۋ كورسەتۋىن توقتاتقان ەمەس.

الايدا مەملەكەتتىك ءتىلدىڭ مارتەبەسى ءالى دە ءوز دەڭگەيىنە كەلگەن جوق. جەرىمىز ورتاق بولسا، ءتىلىمىز دە ورتاق بولۋ كەرەك قوي.

مەملەكەت باسشىسى قاسىم-جومارت توقاەۆ ناقتى شارالار نەگىزىندە قازاق ءتىلىنىڭ ۇلتارالىق قاتىناس ءتىلى رەتىندەگى ءرولىن كۇشەيتۋ قاجەتتىگىن اتاپ وتكەن بولاتىن.

وسى جايلى بىرەر ءسوز.

تولىق سۇحباتتى تومەندەگى سىلتەمەدەن كورە الاسىزدار

پىكىرلەر
رەداكتسيا تاڭداۋى