ءبىزدىڭ باستى ۇستانىمىز - «ازامات. ازاماتتىق قوعام. مەملەكەت» دەگەن ۇشتىك ۇيىممەن ۇشتاسىپ جاتۋى ءتيىس. ءبىزدىڭ پايداۋىمىزشا، اتالعان ۇشتىكتىڭ ارقايسىسى ءبىر-بىرىمەن بىتىسپەس جاۋ ەمەس. كەرسىنشە، بىرلىكتىڭ رۋحاني نارىمەن سۋسىنداعان ءبىرتۇتاس اعزا. ياعني مەملەكەت دەگەنىمىز - ەل ازاماتتارىنىڭ ەركىن ەرىك-جىگەرىنىڭ ارقاسىندا ەڭسە تىكتەگەن كونستيتۋتسيالىق دەڭگەيدەگى قوعامدىق كەلىسىمنىڭ ماۋەلى جەمىسى، مارتەبەلى بيىگى. سوندىقتان دا ولاردىڭ ءوزارا جاۋاپكەرشىلىگى مەن ءوزارا بايلانىسىنىڭ تەرەڭدەۋى - ەل دامۋىنىڭ بەرىك كەپىلى بولماق،- دەيدى مەملەكەتتىك حاتشى.

ونىڭ ايتۋىنشا، قازىرگى تاڭدا جاۋاپتى قىزمەتتەگى ازامات ءوزىنىڭ ەگەمەن ەلىنە ەڭبەك ءسىڭىرىپ، وتانداستارىنىڭ دا زاڭدى قۇقىعى مەن ەركىندىگىنىڭ جانە مۇددەسى جولىندا قىزمەت ەتەتىن ازاماتتىق قوعامنىڭ اجىراماس بولىگى بولىپ سانالادى.

سول سەبەپتى جوعارىدا ايتىلعان ۇشتىكتىڭ «جاۋاپتى ازامات. جاۋاپتى ازاماتتىق قوعام. جاۋاپتى مەملەكەت» دەگەن جاڭا فورۋمىنا ۇلاسۋى - ەل دامۋىندا ەرەكشە ءرول اتقارماق، - دەيدى قىرىمبەك كوشەرباەۆ.

ايتا كەتەيىك، 23 قاراشادان باستاپ قر اقپارات جانە قوعامدىق دامۋ مينيسترلىگىنىڭ قولداۋىمەن قازاقستاننىڭ ازاماتتىق اليانسىنىڭ ۇيىمداستىرۋىمەن IX ازاماتتىق فورۋمى ءوتىپ جاتىر. قازىرگى تاڭدا قازاقستاندا 22-دەن اسا ۇكىمەتتىك ەمەس ۇيىم تىركەلگەن. 2019 جىلدان بەرى مەملەكەتتىك الەۋمەتتىك تاپسىرىس بيۋدجەتىنىڭ كولەمى شامامەن 50% دەيىن كوبەيىپ 25 ملرد تەڭگەنى قۇرادى.