قازاقپاراتتىڭ حابارلاۋىنشا قر مەملەكەتتىك حاتشىسى گۇلشارا ابدىقالىقوۆانىڭ توراعالىعىمەن ادەبيەت پەن ونەر سالاسىنداعى قازاقستان رەسپۋبليكاسى مەملەكەتتىك سىيلىعىن بەرۋ جونىندەگى كوميسسيانىڭ قورىتىندى وتىرىسى ءوتتى دەپ حابارلايدى adyrna.kz qazaquni.kz سايتىنا سىلتەمە جاساپ.
وتاندىق شىعارماشىل زيالى قاۋىم وكىلدەرىنەن قۇرىلعان كوميسسيا مۇشەلەرى مادەنيەت جانە سپورت ءمينيسترى ا.مۇحامەديۇلىنىڭ ىرىكتەلىپ الىنعان شىعارمالاردىڭ ءۇش اي مەرزىم ىشىندەگى تالقىلانۋ بارىسى جونىندەگى اقپاراتىن تىڭداپ، ەركىن پىكىر الماستى.
ەلباسى قاراۋىنا ۇسىنىلاتىن 2016 جىلعى ادەبيەت پەن ونەر سالاسىنداعى قازاقستان رەسپۋبليكاسى مەملەكەتتىك سىيلىعى لاۋرەاتتىعىنا ۇمىتكەرلەردى كوميسسيا جاسىرىن داۋىس بەرۋ ارقىلى انىقتادى. مەملەكەتتىك سىيلىق لاۋرەاتتارىن ماراپاتتاۋ ءراسىمى ءداستۇر بويىنشا تاۋەلسىزدىك كۇنى قارساڭىندا وتەدى.
ادەبيەت پەن ونەر سالاسىنداعى مەملەكەتتىك سىيلىق ادەبيەت پەن ونەر قايراتكەرلەرىنىڭ قوعام مەن مەملەكەت الدىنداعى ەڭبەگىن جوعارى باعالاۋ بولىپ سانالادى. بۇل سىيلىق قازاقستان رەسپۋبليكاسى ازاماتتارىنا وتاندىق مادەنيەتتى دامىتۋعا قوسىلعان قوماقتى ۇلەس رەتىندە تانىلعان اسا ۇزدىك شىعارمالار ءۇشىن بەرىلەدى.
ازىرگە بىزگە بەلگىلىسى بيىلعى مەملەكەتتىك سىيلىقتى ادەبيەتتەن بەلگىلى جازۋشى بەكسۇلتان نۇرجەكەۇلىنا بەرىلدى. كينودان “قۇنانباي” كوركەم فيلمىمەن دوسحان جولجاقسىنوۆ، ايدوس بەكتەمىروۆ ت.ب. اۆتورلار توبى الدى. “سونىمەن بىرگە “قازاق ەلى” مونۋمەنتتىك ەسكەرتكىش اۆتورلارى دا مەملەكەتتىك سىيلىققا يە بولدى.
وسى جىلدىڭ 29-شى ماۋسىمىندا "ادىرنا" ۇلتتىق-ەتنوگرافيالىق قوعامدىق بىرلەستىگى بەكسۇلتان نۇرجەكەەۆتىڭ ء"اي، دۇنيە-اي!" رومانىن تالقىلاۋ ماقساتىندا جازۋشىمەن كەزدەسۋ ۇيىمداستىرعان ەدى. سول كەزەسۋدە "1916 جىلدان 1986 جىلعا دەيىن تالاي قازاقتىڭ قانى توگىلدى. مۇنىڭ ءبارى ءبىزدىڭ ەسەيۋ داۋىرلەرىمىز، ياعني، ءوسۋ، ءبىلىم الۋ ءداۋىرىمىز بولدى. تاۋەلسىزدىك الماساق، مەملەكەتىمىز بولماسا، سول سورلاعان كۇندەرىمىزدەن ءالى دە ارىلا الماعان بولار ەدىك. دەمەك، تاۋەلسىزدىكتىڭ باعاسىن ءبىلۋىمىز كەرەك. ء"اي، دۇنيە-اي! رومانىن جازۋداعى ماقساتىم دا وسى"- دەپ ەدى اۆتور.
مەملەكەتتىك سىيلىق يەگەرلەرىن قۇتتىقتاي وتىرىپ، الداعى ۋاقىتتا دا شىعارماشىلىق تابىستار تىلەيمىز!
adyrna.kz
