QazAqparattyń habarlaýynsha QR Memlekettik hatshysy Gúlshara Ábdiqalyqovanyń tóraǵalyǵymen Ádebıet pen óner salasyndaǵy Qazaqstan Respýblıkasy memlekettik syılyǵyn berý jónindegi komıssııanyń qorytyndy otyrysy ótti dep habarlaıdy adyrna.kz qazaquni.kz saıtyna silteme jasap.
Otandyq shyǵarmashyl zııaly qaýym ókilderinen qurylǵan komıssııa músheleri Mádenıet jáne sport mınıstri A.Muhamedıulynyń iriktelip alynǵan shyǵarmalardyń úsh aı merzim ishindegi talqylaný barysy jónindegi aqparatyn tyńdap, erkin pikir almasty.
Elbasy qaraýyna usynylatyn 2016 jylǵy Ádebıet pen óner salasyndaǵy Qazaqstan Respýblıkasy memlekettik syılyǵy laýreattyǵyna úmitkerlerdi komıssııa jasyryn daýys berý arqyly anyqtady. Memlekettik syılyq laýreattaryn marapattaý rásimi dástúr boıynsha Táýelsizdik kúni qarsańynda ótedi.
Ádebıet pen óner salasyndaǵy memlekettik syılyq ádebıet pen óner qaıratkerleriniń qoǵam men memleket aldyndaǵy eńbegin joǵary baǵalaý bolyp sanalady. Bul syılyq Qazaqstan Respýblıkasy azamattaryna otandyq mádenıetti damytýǵa qosylǵan qomaqty úles retinde tanylǵan asa úzdik shyǵarmalar úshin beriledi.
Ázirge bizge belgilisi bıylǵy Memlekettik syılyqty ádebıetten belgili jazýshy Beksultan Nurjekeulyna berildi. Kınodan “Qunanbaı” kórkem fılmimen Doshan Joljaqsynov, Aıdos Bektemirov t.b. avtorlar toby aldy. “Sonymen birge “Qazaq eli” monýmenttik eskertkish avtorlary da memlekettik syılyqqa ıe boldy.
Osy jyldyń 29-shy maýsymynda "Adyrna" ulttyq-etnografııalyq qoǵamdyq birlestigi Beksultan Nurjekeevtiń "Áı, dúnıe-aı!" romanyn talqylaý maqsatynda jazýshymen kezdesý uıymdastyrǵan edi. Sol kezesýde "1916 jyldan 1986 jylǵa deıin talaı qazaqtyń qany tógildi. Munyń bári bizdiń eseıý dáýirlerimiz, ıaǵnı, ósý, bilim alý dáýirimiz boldy. Táýelsizdik almasaq, memleketimiz bolmasa, sol sorlaǵan kúnderimizden áli de aryla almaǵan bolar edik. Demek, Táýelsizdiktiń baǵasyn bilýimiz kerek. "Áı, dúnıe-aı! romanyn jazýdaǵy maqsatym da osy"- dep edi avtor.
Memlekettik syılyq ıegerlerin quttyqtaı otyryp, aldaǵy ýaqytta da shyǵarmashylyq tabystar tileımiz!
adyrna.kz
