«ادىرنا» اقپاراتتىق اگەنتتىگى وقىرماندارعا قىزىعىراق بولار دەگەن ويمەن اقتوبە وبلىسىنىڭ تىنىس-تىرشىلىگى تۋرالى سۇحباتتار مەن ماقالالار سەرياسىن ۇيىمداستىرۋدى قولعا العان ەدى. ەندەشە وبلىستىڭ مادەني جانە قوعامدىق-ساياسي تۇراقتىلىق تۋراسىنداعى پورتال تىلشىلەرىنىڭ اقتوبە وبلىسىنىڭ اكىمى ورازالين وڭداسىن سەيىلۇلىنان العان مالىمدەمەسىن نازارلارىڭىزعا ۇسىنامىز.
2020 جىلدىڭ 1 قاراشا ايىنا وبلىستىڭ مادەني سالاسىندا مەنشىكتىڭ بارلىق تۇرلەرىندەگى مادەنيەت جانە ونەر ۇيىمدارى، مەكەمەلەرىنىڭ سانى 481 (469-ى مەملەكەتتىك) بىرلىكتى قۇرايدى. ونىڭ قاتارىندا 235 كىتاپحانا، 193 مادەني-دەمالىس مەكەمەلەرى، 19 مۋزەي، 2 كاسىبي تەاتر، فيلارمونيا، 2 كينوتەاتر (جەكە), 2 مادەنيەت جانە دەمالىس ساياباعى، 13 ارحيۆ جانە وزگە دە مادەنيەت مەكەمەلەرى وبلىس تۇرعىندارىنا قىزمەت كورسەتۋدە.
2020 جىلى مادەني-كوپشىلىك شارالار ءابۋ ناسىر ءال-ءفارابيدىڭ 1150, التىن وردانىڭ 750, ا.قۇنانبايۇلىنىڭ 175, ءا.مولداعۇلوۆانىڭ 95, ءشامشى قالداياقوۆتىڭ 90, ۇلى وتان سوعىسىنداعى جەڭىستىڭ 75 جىلدىقتارى شەڭبەرىندە وتكىزىلدى. ەلدەگى قالىپتاسقان ەپيدەميولوگيالىق جاعدايعا بايلانىستى شارالاردىڭ كوپشىلىگى ونلاين فورماتقا اۋىستىرىلدى. مەرەيتويلىق داتالار اياسىندا مادەنيەت جانە ونەر مەكەمەلەرىندە ءتۇرلى ساناتتاعى تۇرعىنداردىڭ قىزىعۋشىلىعىن تۋدىرعان جاڭا فورماتتا ۇزدىك الەۋمەتتىك پوست، جىلجىمالى كورمەلەر، سD-ديسكتەگى كۇيتاباقشا شىعارۋ، ونلاين سيمپوزيۋم، ونلاين بايقاۋلار، ونلاين كونتسەرتتەر، سۇحباتتار ت.ب. شارالار ۇيىمداستىرىلدى. قازان ايىندا "ادەبيەت.رۋح.قوعام" رەسپۋبليكالىق ادەبيەت فورۋمى، "اقتوبە جىر قۇشاعىندا", "سىرلى اقىننىڭ نۇرلى جىلدارى" رەسپۋبليكالىق ءمۇشايراسى سىندى اۋقىمدى شارالار ۇيىمداستىرىلعان بولاتىن. 2020 جىلدىڭ 10 ايىندا بارلىعى 5378 شارا وتكىزىلىپ، قاتىسۋشىلار 125098 ادامدى قۇرادى. وبلىس كىتاپحانالارىنىڭ ۇيىمداستىرۋىمەن "شىن حاكىم ءسوزىڭ اسىل باعا جەتپەس" رەسپۋبليكالىق بايقاۋى، "مەنىڭ جۇرەگىمدەگى كىتاپ" حالىقارالىق وقىرماندار بايقاۋى، ءال-فارابي شىعارمالارىنداعى "باقىتقا جەتۋ" ەڭبەگى جايىندا "ەڭ ۇزدىك الەۋمەتتىك پوست جاريالاۋ" رەسپۋبليكالىق بايقاۋى سىندى اۋقىمدى شارالار ۇيىمداستىرىلدى. بۇگىنگى كۇنگە دەيىن مادەنيەت مەكەمەلەرىندە بارلىعى 7924 شارا وتكىزىلىپ، وعان قاتىسۋشىلار سانى 300257 ادامدى قامتىدى.
«ادىرنا» ۇلتتىق پورتالى
