«Adyrna» aqparattyq agenttigi oqyrmandarǵa qyzyǵyraq bolar degen oımen Aqtóbe oblysynyń tynys-tirshiligi týraly suhbattar men maqalalar serııasyn uıymdastyrýdy qolǵa alǵan edi. Endeshe oblystyń mádenı jáne qoǵamdyq-saıası turaqtylyq týrasyndaǵy portal tilshileriniń Aqtóbe oblysynyń ákimi Orazalın Ońdasyn Seıilulynan alǵan málimdemesin nazarlaryńyzǵa usynamyz.
2020 jyldyń 1 qarasha aıyna oblystyń mádenı salasynda menshiktiń barlyq túrlerindegi mádenıet jáne óner uıymdary, mekemeleriniń sany 481 (469-y memlekettik) birlikti quraıdy. Onyń qatarynda 235 kitaphana, 193 mádenı-demalys mekemeleri, 19 mýzeı, 2 kásibı teatr, fılarmonııa, 2 kınoteatr (jeke), 2 mádenıet jáne demalys saıabaǵy, 13 arhıv jáne ózge de mádenıet mekemeleri oblys turǵyndaryna qyzmet kórsetýde.
2020 jyly mádenı-kópshilik sharalar Ábý Nasyr ál-Farabıdiń 1150, Altyn Ordanyń 750, A.Qunanbaıulynyń 175, Á.Moldaǵulovanyń 95, Shámshi Qaldaıaqovtyń 90, Uly Otan soǵysyndaǵy Jeńistiń 75 jyldyqtary sheńberinde ótkizildi. Eldegi qalyptasqan epıdemıologııalyq jaǵdaıǵa baılanysty sharalardyń kópshiligi onlaın formatqa aýystyryldy. Mereıtoılyq datalar aıasynda mádenıet jáne óner mekemelerinde túrli sanattaǵy turǵyndardyń qyzyǵýshylyǵyn týdyrǵan jańa formatta úzdik áleýmettik post, jyljymaly kórmeler, SD-dısktegi kúıtabaqsha shyǵarý, onlaın sımpozıým, onlaın baıqaýlar, onlaın konertter, suhbattar t.b. sharalar uıymdastyryldy. Qazan aıynda "Ádebıet.Rýh.Qoǵam" respýblıkalyq ádebıet forýmy, "Aqtóbe jyr qushaǵynda", "Syrly aqynnyń nurly jyldary" respýblıkalyq músháırasy syndy aýqymdy sharalar uıymdastyrylǵan bolatyn. 2020 jyldyń 10 aıynda barlyǵy 5378 shara ótkizilip, qatysýshylar 125098 adamdy qurady. Oblys kitaphanalarynyń uıymdastyrýymen "Shyn hakim sóziń asyl baǵa jetpes" respýblıkalyq baıqaýy, "Meniń júregimdegi kitap" halyqaralyq oqyrmandar baıqaýy, ál-Farabı shyǵarmalaryndaǵy "Baqytqa jetý" eńbegi jaıynda "Eń úzdik áleýmettik post jarııalaý" respýblıkalyq baıqaýy syndy aýqymdy sharalar uıymdastyryldy. Búgingi kúnge deıin mádenıet mekemelerinde barlyǵy 7924 shara ótkizilip, oǵan qatysýshylar sany 300257 adamdy qamtydy.
«Adyrna» ulttyq portaly
