ەرتەڭ زارەچنىي تۇرعىن الابىنداعى ەلەك وزەنى ۇستىنەن وتەتىن كوپىر اشىلادى. كوپىردە جوندەۋ جۇمىستارىن جۇرگىزىپ جاتقان مەردىگەر وبلىس اكىمى ەرالى توعجانوۆقا وسىلاي دەدى.
22 قىركۇيەكتە ەلەك وزەنى ۇستىنەن وتەتىن كوپىر ۋاقىتشا جوندەۋگە جابىلىپ، كولىكتەر ءسۇت زاۋىتى شاعىن اۋدانىنداعى اينالما جول ارقىلى ءجۇرىپ جاتقان بولاتىن.
بۇگىن كوپىردەگى جوندەۋ جۇمىسىنىڭ بارىسىن ەرالى توعجانوۆتىڭ ءوزى بارىپ كوردى. قالا اكىمى اسحات شاحاروۆ پەن مەردىگەرگە تاڭعا دەيىن كوپىر ءۇستىن تولىق تازالاپ، جول ءۇستى سىزبالارىن جاساپ، تاڭدا اشۋدى تاپسىردى.
ايتا كەتەيىك، بۇل اعىمداعى جوندەۋ بولعاندىقتان كوپىر ۇستىندەگى شۇڭقىرلار بىتەلدى. 200 مەتر جەردى جوندەۋگە ارنايى تەحنيكالار مەن 15 ادام جۇمىلدىرىلعان بولاتىن. جولشىلار كۇندىز-ءتۇنى ەڭبەك ەتتى.
كۇزگى قۇبىلمالى اۋا رايىنا بايلانىستى جولدى تولىعىمەن كۇردەلى جوندەۋ مۇمكىن ەمەس. جۇك كولىكتەرى كوپ قاتىنايتىن ماڭىزى بار جول بولعاندىقتان، كوپىردى ۇزاق ۋاقىتقا جابۋ جول قوزعالىسىنا كەرى اسەرىن تيگىزەدى. كەلەسى جىلى اتالمىش جول تولىعىمەن مەردىگەر ۇيىممەن كەپىلدىك مىندەتتەمەلەر شەڭبەرىندە كۇردەلى جوندەۋدەن وتەدى.
