2020 جىلعى 1 قاراشاداعى جاعداي بويىنشا جەرگىلىكتى اتقارۋشى ورگانداردىڭ رۇقساتى بويىنشا قازاقستان اۋماعىندا 15 832 شەتەلدىك ازامات ەڭبەك قىزمەتىن جۇزەگە اسىرۋدا، دەپ حابارلايدى «ادىرنا» ۇلتتىق پورتالى ەڭبەك جانە حالىقتى قورعاۋ مينيسترلىگىنە سىلتەمە جاساپ.
قازىرگى ۋاقىتتا قازاقستان شەتەلدىك جۇمىس كۇشىن پايدالاناتىن 1770 جۇمىس بەرۋشى بار. ولاردا 455 مىڭعا جۋىق قازاقستان ازاماتى جۇمىس ىستەيدى، بۇل جالپى جۇمىسشىلار سانىنىڭ 96%-ىن قۇرايدى.
ەڭبەكشى ميگرانتتار شىعاتىن نەگىزگى ەلدەر كەلەسى: قىتاي – 3459 ادام، وزبەكستان – 1 693 ادام، تۇركيا – 1 621 ادام، ءۇندىستان – 1 145 ادام، ۇلىبريتانيا – 1 038 ادام.
ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا قر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا كۆوتا بەلگىلەيدى. 2020 جىلى كۆوتا مولشەرى جۇمىس كۇشىنە شاققاندا 0,32%-دى نەمەسە 29,3 مىڭ بىرلىكتى قۇراعان.
«ادىرنا» ۇلتتىق پورتالى
