سولتۇستىك قازاقستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى پەتروپاۆلداعى ءدارىحانالاردىڭ بىرىندە سەرتيفيكاتتالماعان مەديتسينالىق پرەپاراتتاردى ساۋدالاۋدىڭ فاكتىسىن انىقتادى، – دەپ حابارلايدى «ادىرنا» ۇلتتىق پورتالى ءىىم-گە سىلتەمە جاساپ.
جەدەل ۋاكىلدەرگە ءدارىحانالاردىڭ بىرىندە سەرتيفيكاتتالماعان پرەپاراتتار ساتىلىپ جاتقاندىعى جايىندا اقپارات كەلىپ ءتۇستى. تەكسەرىس كەزىندە اقپارات راستالدى: ءدارىحانادا ساتۋعا رۇقساتى جوق دارىلىك پرەپاراتتار شىنىمەن ساتىلىپ كەلگەن. ناتيجەسىندە 2 800 دانا – ءتۇرلى ءدارى-دارمەكتىڭ 56 اتاۋى الىندى. جەدەل ۋاكىلدەرمەن قر اكىمشىلىك قۇقىق بۇزۋشىلىق تۋرالى كودەكسىنىڭ 426-بابى (فارماتسەۆتيكالىق قىزمەتتىڭ جانە دارىلىك زاتتار مەن مەديتسينالىق بۇيىمداردىڭ اينالىسى سالاسىنىڭ قاعيدالارىن بۇزۋ) بويىنشا ءدارىحانا يەسىنە قاتىستى ماتەريال جيناقتالدى.
ايتا كەتەيىك، جىل باسىنان سقو پوليتسەيلەرىمەن زاڭسىز اينالىمنان 400 كگ استام ءتۇرلى ەسىرتكى زاتتارى الىندى. ونىڭ 350 كگ استامى ماريحۋانا، 1 كگ 690 گرامم – سينتەتيكالىق ەسىرتكىلەر، سونداي-اق 372 گرامم – گەروين.
«ادىرنا» ۇلتتىق پورتالى
