تانىلماعان تاۋلى قاراباق رەسپۋبليكاسىنىڭ پرەزيدەنتى ارايك ارۋتيۋنيان رەسەي مەن ۆلاديمير پۋتينگە اتىستى توقتاتۋعا جانە سوعىستى اياقتاۋعا كومەكتەسكەنى ءۇشىن العىس ايتتى.
ارۋتيۋنيان Facebook پاراقشاسىندا: «رەسەي فەدەراتسياسىنىڭ جوعارعى باسشىلىعىنىڭ كۇش-جىگەرى مەن ءىس-قيمىلدارىنىڭ ارقاسىندا ءازىربايجان-قاراباق قاقتىعىسى ايماعىندا قانتوگىستى توقتاتا الدىق. ءبىز رەسەي فەدەراتسياسىنا ءوز ريزاشىلىعىمىزدى بىلدىرەمىز جانە جاعدايدى تۇراقتاندىرۋعا باعىتتالعان كۇش-جىگەرگە جانە اتىستى توقتاتۋ مەن سوعىستىڭ اياقتالۋىنا كومەك كورسەتكەنى ءۇشىن رەسەي پرەزيدەنتى ۆلاديمير ۆلاديميروۆيچ پۋتينگە العىسىمىزدى بىلدىرەمىز»، - دەپ جازدى.
ونىڭ ايتۋىنشا، رەسەيدىڭ بىتىمگەرشىلىك كۇشتەرى «ماڭىزدى تۇراقتاندىرۋشى فاكتورعا» اينالدى. ارۋتيۋنيان گەنەرال-لەيتەنانت رۋستام مۋرادوۆ باسقاراتىن رەسەي كونتينگەنتىمەن ءتيىمدى ىنتىماقتاستىق ورناتىلعانىن دا قوسا ايتقان.
«بەيبىتشىلىكتى، تۇراقتىلىق پەن ازاماتتارىمىزدىڭ قاۋىپسىزدىگىن قولداۋ جونىندەگى نەگىزگى مىندەتتەردى ورىنداۋ بىتىمگەرشىلىك كونتينگەنتىنىڭ جەكە قۇرامىنان جوعارى كاسىبيلىك پەن تاباندىلىقتى تالاپ ەتەدى، بۇل كەيدە ءومىر ءسۇرۋ تاۋەكەلىمەن ۇشتاسىپ جاتادى. ءبىزدىڭ حالقىمىزدىڭ اتىنان جاعدايدى تۇراقتاندىرۋ، بەيبىتشىلىكتى ورناتۋ جانە قولداعانى ءۇشىن، ءتۇرلى مىندەتتەردى شەشۋ ماقساتىندا اتقارىلعان جۇمىس پەن كۇش-جىگەرى ءۇشىن العىسىمدى بىلدىرگىم كەلەدى»، - دەپ اتاپ ءوتتى قاراباق باسشىسى.
ول سونداي-اق رەسەيگە قاراباق تۇرعىندارىنىڭ تاعدىرىنا «نەمقۇرايلى قاراما»، گۋمانيتارلىق كومەك كورسەتكەنى جانە رەسپۋبليكانى قالپىنا كەلتىرۋگە قاتىسقانى ءۇشىن دە جەكە العىسىن ءبىلدىردى.
ارۋتيۋنيان رەسەيلىك اسكەري قىزمەتشىلەر ورالعان بوسقىنداردىڭ جاعدايى مەن گۋمانيتارلىق كولوننالاردىڭ قاۋىپسىزدىگىن قامتاماسىز ەتەتىنىن اتاپ ءوتتى.
فوتو اشىق دەرەككوزدەن الىندى
«ادىرنا» ۇلتتىق پورتالى
